АБНА24 Хәбәр Верир , БМТ-нин баш катиби Антонио Гутеррешин Москвада Владимир Путинлә ҝөрүшүндә Русија президенти БМТ-нин вә Гызыл Хач тәшкилатынын иштиракы илә инсанларын «Азовстал» металлурҝија комбинатындан бошалдылмалары илә разылашыб.
БМТ-нин сөзчүсү Стефан Дуҹаррик бир бәјанатда дејиб: Гутерреш бу ҝөрүшдә БМТ-нин Украјна барәдәки мөвгејини тәкрар едиб вә тәрәфләр мүлкиләрин дөјүш бөлҝәләриндән бошалдылмаларына вә һуманитар јардымлара даир тәклифләр һагда данышыблар.
Дуҹаррик гејд едиб ки, даһа әтрафлы мүзакирә, гаршыдакы ҝүнләрдә БМТ-нин һуманитар мәсәләләр үзрә координасија офиси илә Русијанын мүдафиә назирлији арасында кечириләҹәк.
БМТ-нин Украјна мүһарибәсиндә васитәчилик ролу барәдәки тәнгидләрин артмасынын ардынҹа Гутерреш ҹари ил апрелин 19-да Русија вә Украјна президентләри Владимир Путин илә Владимир Зеленскијә мәктублар ҝөндәрмәклә онларла ҝөрүшмәк истәдијини билдирди.
БМТ-нин баш катиби Украјна мүһарибәси башланандан бәри бу бөһран һагда мүхтәлиф фикирләр билдирмиш олса да, бу саһәдәки фәалијјәти диҝәр бејнәлхалг һадисәләрдә олдуғу кими, бир чох тәнгидләрлә үзләшибдир.
342/
28 aprel 2022 - 21:52
Xəbər kodu: 1252796
БМТ билридиб ки, Русија, Гызыл Хач тәшкилатынын иштиракы илә мүлкиләрин Украјнанын Мариупол шәһәриндә јерләшән «Азовстал» комбинатындан чыхмалары илә разылашыб.
