АБНА24 Хәбәр Верир , Үмумдүнја Гүдс ҝүнү һәр ил мүбарәк Рамазан ајынын сон ҹүмәси гејд олунур. Ислам Дүнјасынын сијаси тәгвиминә салынмыш бу өнәмли ҝүнүн тәшәббүскары мәрһум Имам Хомејнидир. О һәзрәт 1979-ҹу илдә Фәләстин халгына дәстәк олараг рәсми шәкилдә бу ҝүнүн әсасыны гојду вә бүтүн дүнја мүсәлманларыны Исраил режиминә гаршы бирләшмәјә чағырды.
1979-ҹу ил августун 7-дә, Иран Ислам Ингилабынын гәләбәсиндән бир ил кечмәмиш Имам Хомејни (р.ә) дүнја мүсәлманларыны мүгәддәс Рамазан ајынын сонунҹу ҹүмә ҝүнүндә “Гүдс ҝүнү” кими һәмрәјлик јүрүшү кечирмәјә вә Фәләстин мүсәлман халгынын гануни һүгугларыны мүдафиә етмәјә чағырды.
Имам Хомејни (р.ә) Гүдс ҝүнү һаггында белә бујурмушдур: "Гүдс ҝүнү тәкҹә Фәләстинин ҝүнү дејил, Ислам ҝүнүдүр. Гүдс ҝүнү үмумбәшәри бир ҝүндүр.
Әслиндә Гүдс ҝүнү сионист режимин Фәләстин вә диҝәр Ислам өлкәләриндәки ҹинајәтләринә гаршы Ислам үммәтинин бирлик вә ирадәсинин символудур. Дүнја мәзлумларынын тәкәббүрлүләрә гаршы мүгавимәт ҝүнү вә гәсбкар сионист режимин зүлмүнә гаршы фәрјад ҝүнүдүр.
Рамазан ајынын сон ҹүмәсинин Гүдс ҝүнү адландырылмасы дүнјанын бир чох зијалылары вә сәнәт адамлары тәрәфиндән дәстәкләниб вә бу ҝүн Иранла јанашы дүнјанын мүхтәлиф өлкәләриндә Гүдс ҝүнү јүрүшләри вә мәрасимләри шәклиндә гејд едилир.
Гүдсүн әһәмијјәти ондан ирәли ҝәлир ки, бу мүгәддәс дијар Илаһи Пејғәмбәрләрин вәһј јери, мүсәлманларын илк гибләси вә Һәзрәт Пејғәмбәрин мераҹа галхдығы јер олмушдур.
Һазырда сионист јашајыш мәнтәгәләринин ҝенишләндирилмәси вә ишғал олунмуш әразиләрин, хүсусән дә Гүдсүн әтрафындакы әразиләрин јәһудиләшдирилмәси гәсбкар режимин Гүдсү мәһв етмәк планларынын әсас мөвзусудур.
Бу контекстдә, һәр ил Үмумдүнја Гүдс Ҝүнүнүн гејд едилмәси мүсәлман халгларын иҹтимаи рәјиндә мүгавимәтә дәстәк јаратмаға вә ушаг гатили сајылан режимин маһијјәтини ифша етмәјә хидмәт едир.
Бу ил исә Үмумдүнја Гүдс Ҝүнү Исраил режиминин өз ҹинајәтләрини артырдығына хатир икигат әһәмијјәт кәсб едир. Нәзәрә алмаг лазымдыр ки, бәзи әрәб режимләринин Исраилә гуҹаг ачмалары вә компромисә ҝетмәләри сионистләр үчүн һеч бир нәтиҹә вермәјиб вә бу ҝүн Иордан Чајынын Гәрб Саһилиндә јашајан фәләстинлиләр Гәззә золағынын сакинләринин мүбаризәсинә гошулуб. Ҝөрүнүр, Фәләстин халгы барышыг просесиндән һиддәтләниб вә мүбаризәнин јени мәрһәләсинә гәдәм гојуб.
Ислам Ингилабынын Бөјүк Рәһбәри Һәзрәт Ајәтуллаһүл-узма Хаменеи Фәләстин мәсәләсинин һәлә дә Ислам өлкәләри арасында ән мүһүм вә ортаг мәсәлә олдуғуна диггәт чәкәрәк дејиб: Сионистләр гәсб олунмуш Фәләстини террор базасына чевирибләр. илк ҝүндән Исраил режими өлкә дејил, Фәләстин халгына вә диҝәр мүсәлман халгларына гаршы террор гарнизону олуб. Бу сәбәбдән гондарма режимлә мүбаризә зүлм вә террорла мүбаризә апармагдыр вә бу, һамынын борҹудур".
Сионистләрин бу чиркин маһијјәтини вә хәрчәнҝ шиши олдуғуну нәзәрә алараг Иран Ислам Республикасы Фәләстин амалыны һәр заман ҝүндәмдә сахлајыб вә Исраил тәһлүкәси барәдә мүсәлманлары маарифләндирмәјә чалышыб.
Ајдындыр ки, дүнја мүсәлманларынын һәр ил Гүдс мәсәләсини хатырламасы вә һәмрәјлик нүмајишләри кечирмәси Фәләстин халгыны руһландырыр, хүсусән дә Гүдс мәсәләсиндә онларын мөһкәм дајанмасына вә Мәсҹидүл-Әгсаны мүдафиә етмәсинә сәбәб олур. Бу руһ јүксәклијини Гәззә золағында вә һәм дә Иордан Чајынын Гәрб Саһилиндә ҹәрәјан едән мүбаризәдә асанлыгла мүшаһидә етмәк олур.
342/
27 aprel 2022 - 10:39
Xəbər kodu: 1252220
Фәләстин халгынын һаглы мүбаризәсинә дәстәк өз бәһрәсини вермәкдәдир.
