АБНА24 Хәбәр Верир , "Әл-Минар"ын мәлуматына ҝөрә, Ливан Һизбуллаһынын баш катиби Сејид Һәсән Нәсруллаһ дүнән ахшам Мүбарәк Рамазан ајынын 23-ү ҝеҹәси вә Гәдр ҝеҹәси мүнасибәти илә чыхыш едиб.
Нәсруллаһ Ливанын шималында јерләшән Триполи саһилләриндә гејри-гануни ливанлы мигрантлары дашыјан гајығын батмасы илә бағлы башсағлығы вериб вә вурғулајыб: "Биз һеч кимин өлкәни фитнәјә сүрүкләмәсинә имкан вермәмәлијик вә бу һадисә милли сәвијјәдә гијмәтләндирилмәлидир".
Сејид Һәсән Нәсруллаһ бу ҹүр һадисәләрин тәкрарланмамасы үчүн һадисә илә бағлы тез бир заманда арашдырма апарылмасыны, онун сәбәбкарларынын мүәјјән едилмәси вә ҹәзаландырылмасыны истәјиб.
Шәнбә ҝүнү ичиндә тәхминән 60 гејри-гануни мигрантын олдуғу гајыг Триполи лиманы јахынлығында батыб. Һадисә нәтиҹәсиндә бири ушаг олмагла 14 нәфәр һәјатыны итириб.
Ливан Һизбуллаһынын баш катиби сөзләринин давамында Әфганыстанын Кундуз шәһәриндә мәсҹидә едилән вәһши һүҹуму шиддәтлә гынајыб вә дејиб: "Әфганыстанын Мәзари-Шәриф шәһәриндә вә өлкәнин мүхтәлиф бөлҝәләриндә террорчу ИШИД тәрәфиндән өлдүрүлән мәзлум гардашлары јад етмәлијик".
Ҹүмә ахшамы ҝүнү Әфганыстанын шималындакы Бәлх әјаләтинин мәркәзиндә јерләшән Мәзари-Шәриф шәһәриндә шиә мәсҹидинә гаршы террор һүҹумунда онларла намазгылан шәһид олуб вә ја јараланыб, ҹинајәтдән бир нечә саат сонра онун мәсулијјәтини ИШИД өз үзәринә ҝөтүрүб.
342/
26 aprel 2022 - 12:27
Xəbər kodu: 1251964
Ливан Һизбуллаһынын баш катиби вурғулајыб ки, һамы әмәкдашлыг етмәли вә башгаларынын өлкәни мүнагишә вә фитнәјә сүрүкләмәсинә имкан вермәмәлијик.
