АБНА24 Хәбәр Верир , Түркијә һәрбчиләринин Күрдүстан Фәһлә Партијасы ПКК илә мүбаризә бәһанәси илә "Пәнҹә- Килид" әмәлијјаты чәрчивәсиндә Ирага һүҹумларыны ҝүҹләндирдији бир вахтда бу өлкәнин һөкумәт, орду вә медиа гурумларынын интернет сајтлары ҝениш вә уғурлу кибер һүҹумларын һәдәфинә чеврилиб.
Ҹүмә ҝүнү ахшам саатларында вә кибер һүҹумдан гыса мүддәт сонра "Әл-Таһирә командасы" адлы бир груп бәјанат јајараг, Түркијәнин һөкумәт вә медиа сајтларынын сырадан чыхмасына сәбәб олан кибер һүҹумун мәсулијјәтини үзәринә ҝөтүрүб вә һүҹумун Түркијәнин Ирагын шималындакы сон һәрби әмәлијјаты вә бу өлкә ордусунун Дәһук, Сүлејманијјә вә Әрбилә һава зәрбәләринә ҹаваб олдуғуну билдириб.
Ирага гаршы сон һүҹумларда истифадә едилән бајрагдар ПУА-ларынын заводу да бу кибер һүҹумларын һәдәфиндә олуб.
"Анадолу" Хәбәр Аҝентлији вә Түркијә Президент Администрасијасы да бу һүҹумлардан аманда галмајыб. Һүҹумдан сонра президент офисинин интернет сајты саатларла ишләмәјиб.
Түркијәдәки һөкумәт мәнбәләри кибер һүҹумла бағлы һәлә ки сәссиз галыблар, лакин истифадәчиләр һүҹумдан сонра саатларла Анадолу хәбәр аҝентлијинин сајтына дахил ола билмәјибләр ки, бу да Әл-Таһирә групунун бәјанатыны тәсдигләјир.
Кибер һүҹумлар чәршәнбә вә ҹүмә ахшамы Түркијәнин Истанбул вә Бурса вилајәтләриндә баш верән ики партлајышдан гыса мүддәт сонра һәјата кечирилиб. Әлбәттә, һәбсхана ҝөзәтчисинин өлүмү вә 6 нәфәрин јараланмасы илә нәтиҹәләнән партлајышлара ҝөрә мәсулијјәти һеч бир шәхс вә ја груп өз үзәринә ҝөтүрмәјиб.
342/
24 aprel 2022 - 11:36
Xəbər kodu: 1251242
Түркијәнин дөвләт, һәрби вә медиа гурумларынын сајтлары бу өлкәнин Ирага гаршы сон һүҹумларына ҹаваб олараг, кибер һүҹумлара мәруз галыб.
