АБНА24 Хәбәр Верир , Бу ҹүр јанашмаларын, Фәләстин халгына гаршы инсан һүгугларыны позмағы шиддәтләндирмәк истигамәтиндә расист сионист режими даһа да һәјасызлашдырдығыны гејд едән Һүсејн Әмир-Абдуллаһиан өз мәктубларында вурғулајыб: Реҝионда стабил вә әдаләтли сүлһүн бәргәрары, јалныз Фәләстинин ишғалынын там шәкилдә арадан галдырылмасы, бүтүн дидәрҝинләрин өз өлкәләринә ҝери дөнмәләри, Фәләстинин бүтүн әсас сакинләринин иштиракы илә референдумун кечирилмәси јолу илә Фәләстинин ҝәләҹәк һөкумәт гурулушунун тәјини вә сонда, Иран Ислам Республикасынын БМТ катиблији јанында гејдә алынмыш сијаси лајиһәси әсасында ваһид вә мүстәгил Фәләстин дөвләтинин тәшкили илә мүмкүндүр.
Әмир-Абдуллаһиан бу мәктубларда Гүдсү ишғал етмиш режимин мүсәлманларын илк гибләсинә гаршы һөрмәтсизлији, һәмчинин јүзләрлә нәфәрин јараланмасы вә һәбс едилмәсилә нәтиҹәләнән Фәләстинин намазгылан оруҹ әһалисинә гаршы вәһшиҹәсинә һүҹумларына шамил олан Фәләстиндә төрәтдији сон һадисәләрдән дәрин ниҝаранчылыг ифадә едиб.
Иран Ислам Республикасынын хариҹи ишләр назири мүсәлманларын һөрмәт бәсләдикләри мүгәддәс мәканлара гаршы һәр һансы тәҹавүз вә һөрмәтсизлији, һәмчинин Ислам Үммәтинин вә мүсәлман өлкәләрин емосијаларынын позулмасыны,/ рәдд олунан вә дөзүлмәз бир һәрәкәт адландырыб.
Әмир-Абдуллаһиан һәмчинин сионистләрин сон һәрәкәтләрини, сионист режим башчыларынын Гүдсүн маһијјәтини дәјишмәк истигамәтиндәки шәр маһијјәтли сабит сијасәтләринин давам етмәсинин ашкар фактларындан бири кими, мүмкүн олан ән кәскин тәрздә писләјиб вә белә гејд едиб:
Иран Ислам Республикасы мүгәддәс Ислам дининин вә диҝәр илаһи динләрин әсл тәлимләриндән илһам алмагла, һәмчинин бејнәлхалг һүгуг нормаларына ујғун шәкилдә, фәләстинлиләрин инсани һүгугларынын там шәкилдә реаллашмасы мәгсәдилә Фәләстин халгынын мүгавимәти вә хиласедиҹи мүбаризәләрини даима һимајә етмәји,/ өз хариҹи сијасәтинин әсас принсипләри сырасында гәрар верибдир.
Бу мәктубларда, Ислам Әмәкдашлығы Тәшкилаты катиблијинин Фәләстин әразиләриндә баш вермиш сон һадисәләр барәдә олан 15 апрел 2022-ҹи ил тарихли бәјанатына дәстәк верән Әмир-Абдуллаһиан дүнја иҹтимаијјәтинин вә БМТ-нин, хүсусән бу тәшкилатын Тәһлүкәсизлик Шурасынын Фәләстин халгынын мүгавимәтини һимајә саһәсиндәки вәзифәләрини јеринә јетирмәк истигамәтиндә тәҹили вә гәтијјәтли аддымлар атмаларынын ваҹиблијинә тәкид едиб вә истәјибдир ки, сон ики һәфтә әрзиндә гәсб едилмиш Фәләстиндә баш верән олајлар бу тәшкилатларын тәҹили иш ҝүндәмләринә дахил едилсин.
342/
22 aprel 2022 - 10:31
Xəbər kodu: 1250485
Иран Ислам Республикасынын хариҹи ишләр назири БМТ вә Ислам Әмәкдашлығы Тәшкилатынын баш катибләри вә мүсәлман өлкәләрин хариҹи ишләр назирләринә үнванладығы мәктубларда бәзи һөкумәтләрин вә бејнәлхалг тәшкилатларын сионист режимин ҹинајәтләри гаршысындакы икили рәфтарлары вә сүкута далмаларыны тәнгид едиб.
