АБНА24 Хәбәр Верир ,"ИРНА"нын мәлуматына ҝөрә, Әфганыстанын кечмиш президенти Һамид Кәрзај вә бу өлкәнин сабиг һөкумәтинин Али Милли Барышыг Шурасынын сәдри Абдуллаһ Абдуллаһ бу террор партлајышларыны писләјәрәк, ону инсанлыға гаршы ҹинајәт кими дәјәрләндирибләр.
Һамид Кәрзај әлавә едиб: "Бу партлајышлар Елм вә тәһсиллә ачыг-ашкар дүшмәнчилик вә Әфганыстанын савадлы нәслиндән горхунун әламәтидир".
Ејни заманда Абдуллаһ Абдуллаһ дејиб: "Бу террор актлары дүшмәнләрин Әфганыстанда сүлһ вә сабитлијә зәрбә вурмаг нијјәтиндә олдугларыны ҝөстәрир".
Һәмчинин, Инсан Һаглары Ҝөзәтчиси Тәшкилаты, Ушагларын Мүдафиәси Тәшкилаты вә Иран Ислам Республикасынын Хариҹи Ишләр Назирлији дә бәјанат јајараг, Талибаны бу террор һүҹумларынын гаршысыны алмаға чағырыблар.
Гејд едәк ки, дүнән Әфганыстанын пајтахты Кабилдә Һәзарә шиәләринин мәһәлләләриндән бириндә оғланлар мәктәбинин гаршысында үч партлајыш баш вериб, нәтиҹәдә тәхминән 6 нәфәр өлүб, 24 нәфәр исә јараланыб.
Партлајыша ҝөрә, мәсулијјәти индијә кими һеч бир груп үзәринә ҝөтүрмәјиб, лакин Һезарә шиәләринин јашадығы бу әрази әввәлләр ИШИД тәрәфиндән һәдәфә алыныб.
Талибанын Әфганыстаны әлә кечирмәсинә бахмајараг, өлкәнин мүхтәлиф бөлҝәләриндә, хүсусилә дә пајтахт Кабилдә һәлә дә тәһлүкәсизлик һадисәләри баш верир.
342/
21 aprel 2022 - 11:47
Xəbər kodu: 1250211
Кабилин шиәләр јашајан мәһәлләсиндә ејни заманда үч террор партлајышынын төрәдилмәси ҝениш дахили, реҝионал вә глобал реаксијалара сәбәб олуб.
