Түркијә Гара дәниздә хариҹи минатәмизләјән ҝәмиләрин олмасына гаршыдыр

АБНА24 Хәбәр Верир ,Украјна миналарынын Гара дәниз суларына бурахылмасы Түркијә үчүн башағрысы јарадыб. Түркијә индијәдәк Гара дәниздә үч Украјна минасыны ашкар вә мәһв едибдир. Бу миналарын олмасындан ирәли ҝәлән ниҝаранчылыг Түркијәнин дәниз вә тиҹарәт ҝедиш-ҝәлишини тәһлүкә илә үзләшдириб.

Түркијәнин мүдафиә назири Һулуси Акар дүнән билдириб ки, Анкара бурахылмыш Украјна миналарынын ашкар вә мәһв едилмәси үчүн һеч бир хариҹи минатәмизләјән ҝәмијә Гара дәниз суларына дахил олмаг иҹазәси вермәјәҹәк.

Монтрө боғазлар конвенсијасынын өнәмини вурғулајан Акар билдириб ки, бу конвенсијанын иҹрасы нәинки Түркијә, һәм дә Гара дәниз әтрафындакы бүтүн өлкәләр үчүн мүһүмдүр.

Түркијәнин мүдафиә назири вурғулајыб ки, Гара дәниздә мүвазинәтин позулмасынын гаршысынын алынмасы Түркијә үчүн өнәмлидир.

Гара дәнизлә Мәрмәрә дәнизи арасында јерләшән Босфор боғазында үч Украјна минасы ашкар едилиб.

Русија билдириб ки, Украјна ордусу февралын 24-дә бу өлкәдә савашын башланмасындан сонра Одесса, Утчаков, Черноморск вә Лужники лиманларынын әтрафына миналар бурахыб. Амма миналар фыртынаја ҝөрә, 420 минаны бир-биринә бағлајан кабелдән ајрылыб вә күләјин әсмәси вә дәниз ҹәрәјанлары илә сәрҝәрдан шәкилдә Аралыг вә Гара дәниз суларына доғру һәрәкәт едибләр.

Гара дәниздә бир нечә минанын ашкар едилмәсинә рәғмән, Кијев һәлә дә Украјна лиманларынын әтрафына миналар бурахдығыны даныр.

Түркијә февралын 28-дә вә миналарын бурахылмасы маҹәрасындан өнҹә билдирмишди ки, Украјна савашы илә бағлы ҝәрҝинликләрин шиддәтләнмәсинин гаршысны алмаг үчүн Гара дәниздә Монтрө боғазлар конвенсијасынын маддәләрини диггәтлә иҹра едәҹәк. Анкара өлкәләрин һәрби ҝәмиләринә хәбәрдарлыг едибдир ки, бу конвенсијанын маддәләринә әсасән, Босфор вә Дарданел боғазларындан кечмәк һаглары јохдур.

Бир нечә ҝүн бундан өнҹә бу өлкәнин минаахтаран ҝәмиләри, ПУА-лары, һеликоптерләри вә тәјјарәләринин һазыр вәзијјәтдә олдугларына ишарә едән Һулуси Акар демишди ки, лазым ҝәләрсә, сәрҝәрдан миналары ашкар етмәк үчүн һава гүввәләринин имканларындан истифадә едиләҹәк.

1936-ҹы ил ијулун 20-дә бағланмыш Монтрө боғазлар конвенсијасына әсасән, Босфор вә Дарданел боғазларына нәзарәт, Түркијәнин өһдәсинә бурахылыб.

Бу конвенсија Түркијә, Франса, Болгарыстан, Јунаныстан, Јапонија, Југославија, Румынија вә СССР арасында бағланыбдыр.

342/