АБНА24 Хәбәр Верир ,Русија “Нептун” ҝәми әлејһинә ракетләр үчүн компонентләр истеһсал едән мүәссисәсинин сехләринә ракет һүҹуму едиб.
Мәлуматда гејд олунур ки, Русија апрелин 15-дә саат 01:30 радәләриндә Украјна тәрәфиндән Гара дәниздә "Москва" фрегат-крејсеринин батмасы хәбәриндән сонра ракет һүҹуму һәјата кечириб.
Диҝәр тәрәфдән бу ҝүн сәһәр саатларында Кијевә дә ракет зәрбәләри ендирилиб.
Шәһәр мери Витали Кличко Телеграм сәһифәсиндә ракет зәрбәләринин Кијевин Дарнитски рајонуна ендирилдијини билдириб.
Кличко Кијевә ҝери дөнмәк истәјән шәһәр сакинләринә һәләлик олдуглары јердә галмағы төвсијә едиб.
Украјна Президенти Владимир Зеленски исә ҸНН-ә мүсаһибәсиндә өлкәсинин тәләфаты барәдә дејиб: "Биздә олан рәгәмләрә әсасән һесаб едирик ки, 2 500-дән 3 000-ә гәдәр һәрбчимизи итирмишик. 10 мин јаралымыз вар, онлардан нечәсинин сағ галаҹағыны демәк чәтиндир."
Зеленски һәмчинин АБШ Президенти Ҹозеф Бајденә Русијаны терроризмин һимајәдары кими танымасы илә бағлы мүраҹиәт едиб.
АБШ Президенти бундан әввәл украјналы һәмкарына Москваја даһа чох тәзјиг ҝөстәрмәк үчүн бир сыра мүхтәлиф тәклифләри арашдырмаға һазыр олдуғуну билдириб.
Бу арада АБШ дөвләт катиби Ентони Блинкен Авропа Иттифагындакы мүттәфигләринә билдириб ки, Вашингтонун фикринҹә, Украјнадакы мүнагишә 2022-ҹи илин сонуна гәдәр давам едә биләр.
АБШ медиасы гејд едир ки, белә бәјанатлар Русија һәрби әмәлијјатынын әввәлиндә онун тез баша чатаҹағыны ҝөзләјән Вашингтонун гијмәтләндирмәсиндә ҹидди дәјишиклијә дәлаләт едир.
342/
17 aprel 2022 - 19:07
Xəbər kodu: 1248911
Гара Дәниздә Русија дәниз донанмасынын флагманы сајылан Москва ракет крејсеринин Нептун ракетләри илә вурулмасына ҹаваб олараг, бу ракетләри истеһсал едән завода ракет зәрбәси ендирилиб.
