АБНА24 Хәбәр Верир ,Һәзрәт Ајәтуллаһүл-узма Хаменеи Јәмәндә сон атәшкәс тәшәббүсүнү чох јахшы адландырыб вә әлавә едиб: “Әҝәр бу разылашма сөзүн һәгиги мәнасында һәјата кечәрсә, давам едә биләр вә Јәмән халгы шүбһәсиз ки, өзләринин вә лидерләринин сәјләри, ҹәсарәти вә тәшәббүсү сајәсиндә галиб ҝәләҹәкдир. Вә Аллаһ-Тәала да бу мәзлум халга көмәк едәҹәкдир.”
Сәудијјә коалисијасынын Јәмән халгына гаршы мүһарибәси сәккизинҹи илә кечиб. Бу мүддәт әрзиндә сәудијјәлиләр вә онларын Бирләшмуш Әрәб Әмирликләриндән олан тәрәфдашлары Јәмән халгынын мүгавимәтини гыра билмәмишләр, әксинә Јәмән ордусу вә халг комитәләри дүшмәнә сарсыдыҹы зәрбәләр ендирәрәк, пилотсуз учуш апаратлары, баллистик ракетләр вә ганадлы ракетләрдән истифадә едәрәк ҹаваб һүҹумлары һәјата кечирирләр.
Бу арада апрелин 2-дән БМТ-нин тәшәббүсү илә һәјата кечирилән атәшкәсдән сонра Сәудијјә коалисијасынын һава һүҹумларыны вә дәниз мүһасирәсини даһа да ҝенишләндирмәсинә бахмајараг, Јәмән Милли Гуртулуш Һөкумәти халгын мәнафејини нәзәрә алараг атәшкәс режиминә әмәл етмәјә давам едир.
Ислам Ингилабынын Алимәгамлы Рәһбәри Сәудијјә Әрәбистанынын Јәмәнлә бағлы стратеҝијасынын мәнасызлығыны вә Сәудијјә режими вә БӘӘ-нин бир нечә илдир Јәмән халгына гаршы апардығы мүһарибәнин пуч олдуғуну нәзәрә алараг, сәудијјәлиләри батаглыгдан чыхыш јолу тапмаға чағырыблар. Бу бахымдан, онун фикринҹә, Јәмәндә сон атәшкәс мүнагишә тәрәфләри арасында диалогун башламасы вә Јәмән мүгавимәтинә гаршы нәтиҹәсиз мүһарибәјә сон гојан фүрсәт сајыла биләр.
Әлбәттә, Сәудијјә режиминин Јәмән мүһарибәсиндә атәшкәси гәбул етмәсинин бир нечә сәбәби вар, о ҹүмләдән Сәудијјә режиминин Јәмән мүһарибәсиндә галиб ҝәлмәкдән мәјуслуғу, Јәмән ордусу вә халг комитәләринин амансыз ПУА вә ракет һүҹумлары нәтиҹәсиндә Сәудијјә Әрәбистаны вә БӘӘ-нин тәсисат вә базаларынын вурулмасы Али-Сәуд режиминин фактики олараг ағ бајраг галдырмасына ҝәтириб шыхармышдыр. Әслиндә, Сәудијјә коалисијасы вә онун Гәрб һимајәдарларынын Әнсаруллаһ гүввәләринин артан чәкиндириҹи ҝүҹүнү вә дүшмәнин стратежи мәркәзләринә вә објектләринә һүҹум етмәк габилијјәтини, һабелә бејнәлхалг мүһитдә баш верән сон һадисәләри нәзәрә алараг, атәшкәси гәбул етмәкдән вә сијаси данышыглара башламагдан башга јолу јохдур.
342/
15 aprel 2022 - 10:29
Xəbər kodu: 1248142
Ислам Ингилабынын Алимәгамлы Рәһбәри сон чыхышында Сәуд режиминә фүрсәти итирмәмәји вә мүһарибәјә сон гојмағы төвсијә етди. Бу ачыглама мүзакирә објектинә чеврилиб.
