Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасы Хариҹи Ишләр Назирлијинин сөзчүсү Сәид Хәтибзадә Иранын блокланмыш вәсаитләринин бир һиссәсинин јахын ҝәләҹәкдә азад едиләҹәјини ачыглајыб.
Базар ертәси сәһәр саатларында мәтбуат конфрансында јерли вә хариҹи журналистләрин суалларыны ҹавабландыран Хәтибзадә дејиб ки, һәфтәнин сонуна гәдәр јүксәк сәвијјәли нүмајәндә һејәти бу мәгсәдлә Теһрана сәфәр едәҹәк вә јахын ҝәләҹәкдә блок едилмиш пулларын азад едилмәси принсипи һәјата кечириләҹәк.
Гејд едәк ки, Ҹәнуби Корејанын хариҹи ишләр назиринин мүавини Чои Ҹанг Кун Австријанын пајтахты Вјанада кечирилән Нүвә Енержиси (Бәрҹам) мүзакирәләри чәрчивәсиндә Иран Ислам Республикасынын хариҹи ишләр назиринин сијаси мүавини Әли Багири илә ҝөрүшүб. Ҝөрүшдә Ҹәнуби Корејанын хариҹи ишләр назиринин мүавини өлкәсинин Ирана олан борҹуну гајтармаға чалышдығыны билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
