АБНА24 Хәбәр Верир , апрелин 9-да Ермәнистанда адмирал Исаковун һејкәлинин гаршысында, АБШ сәфирлијинин јахынлығында "Алјанс" партијасынын ҝәнҹләр бирлији аксија кечириб.
Онлар Ермәнистанда фәалијјәт ҝөстәрән биоложи лабораторијаларда бејнәлхалг мониторингләрин апарылмасыны тәләб едибләр.
"Алјанс" партијасынын ҝәнҹләр бирлијинин координатору Денис Погосјан билдириб ки, әҝәр Русија-Украјна бөһраны олмасајды, биоложи силаһларын Украјнадакы биоложи лабораторијаларда истеһсал едилдији һеч вахт ашкар олмазды.
Онлар АБШ сәфирлији гаршысында топлашыблар, чүнки мәлумдур ки, биолабораторијалар Пентагон тәрәфиндән малијјәләшдирилир.
"Ермәнистанда 12 биоложи лабораторија мөвҹуддур ки, онларын 3-ү Ирәванда, диҝәрләри исә башга реҝионларда фәалијјәт ҝөстәрир.
Онларда биоложи силаһларын да истеһсал олундуғуна даир шүбһәләр вар.
Погосјан дејиб: "Бизим тәләбимиз ондан ибарәтдир ки, биоложи лабораторијаларын фәалијјәтинин гануни олуб-олмадығыны јохламаг үчүн бејнәлхалг мониторинг апарылсын".
Онун сөзләринә ҝөрә, әҝәр Ермәнистанын биолабораторијаларында биоложи силаһлар истеһсал олунурса, онлар бағланмалыдыр.
"Ермәнистанда биоложи лабораторијалара јер јохдур. "Ермәнистан биоложи силаһларын вә ја вирусларын сынаг мејданчасы дејил", - дејә етиразчылар билдирибләр.
Ҝәнҹләр рәнҝли фишәнҝләрдән истифадә едибләр, бәзиләриндә исә газ маскасы олуб. Онлар АБШ сәфирлијинин нәзарәт-бурахылыш мәнтәгәсинә мәктуб гојуб, буҝүнкү аксијаны јекунлашдырыб, сона гәдәр ҝедиб һәр шеји өјрәнәҹәкләрини вәд едибләр.
342/
12 aprel 2022 - 14:51
Xəbər kodu: 1247304
Ермәнистанда ҝәнҹләрдән бир групу АБШ сәфирлијинин гаршысында аксија кечирәрәк, АБШ-ын Ермәнистандакы биоложи лабораторијаларынын фәалијјәтинә етиразларыны билдириб.
