Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, сәсләрин 98%-нин һесабланмасы илә Еммануел Макрон вә Марин Ле Пен Франса сечкиләринин икинҹи туруна чыхыб вә ики һәфтә сонра франсызлар икисиндән бирини өлкәнин јени президенти сечәҹәкләр.
Базар ертәси сәһәр саатларында Франсанын һазыркы президенти Макрон 9 милјондан чох (27,3%) вә ифрат сағчы намизәд Ле Пен 8 милјон (24%) сәс газанмышды. Бу икиси диҝәр рәгибләриндән даһа чох сәс топламышлар.
Франса сечки ганунларына ҝөрә, илк турда намизәдләрдән һеч бири 50 фаиздән чох сәс топлаја билмәсә, ән чох сәс топлајан ики намизәд икинҹи тура кечәҹәк.
Рәј сорғуларына ҝөрә, Макрон 51% сәслә нөвбәти турда галиб ҝәләҹәк. Бунунла белә, бәзи експертләр рәгабәти јахын һесаб едирләр.
Даһа әввәл илк турда Макронун 28-29 фаиз, Ле Пенин исә 23-24 фаиз сәс алаҹағы ҝөзләнилирди.
Франсада сечкиләрин икинҹи туру апрелин 24-дә кечириләҹәк.
Диггәт: Хәбәрдән Истифадә Етдикдә Мәнбәјә Истинад Лазымдыр!
