АБНА24 Хәбәр Верир , Сионист режим медиалары билдирибләр ки, бу чағырыш ҹүмә ахшамы ҝүнү ҝеҹә Тәл-Әвивә гаршы кечирилмиш мүгавимәт әмәлијјаты амилләринин ахтарышында иштирак үчүн һәјата кечирилиб. Чағырыш, сионист режимин бүтүн хүсуси тәјинатлы гүввәләринә тәлим кечән «Лүтер» бөлмәсилә јанашы, бу режимин «Шелдаг» һава гүввәләри командолары вә сионист режим ордусунун «Сајерет Маткал» хүсуси тәјинатлы кәшфијјат бөлмәсинә шамил олур.
Сионист медиалар ҹүмә ахшамы ҝүнү ҝеҹә хәбәр вердиләр ки, ҝеҹә клубларынын јерләшдикләри Тәл-Әвивин Дизенгоф күчәсиндә атышма нәтиҹәсиндә ики сионист өлүб, он алты нәфәр дә јараланыбдыр.
Сионист режимин ордусу вә полиси индијәдәк бу мүгавимәт әмәлијјатынын амили вә ја амилләриндән бир әсәр-әламәт тапа билмәјибләр.
Дизенгоф күчәсиндәки атышманын ардынҹа Тәл-Әвивин мәркәзинә доғру иҹтимаи нәглијјат хидмәтләри дајандырылыб.
Мәлуматлара әсасән, сионист режимин полис гүввәләриндән миндән чох нәфәр Тәл-Әвивдә атышма амили вә ја амилләринин тапылмасы үзрә ахтарыша башлајыб.
Сон ҝүнләр әрзиндә фәләстинлиләрин Тәл-Әвивин ичәриләринәдәк анти-сионист әмәлијјатларынын артмасы, сионист режим башчылары вә сионист гәсәбә сакинләриндә горху вә ниҝаранчылыг һисси јарадыб.
Сионист медиалар бундан габаг хәбәр вермишдиләр ки, сионист режимин һәрби башчылары фәләстинлиләрин мүгавимәт әмәлијјатларынын горхусундан гәсб олунмуш Гүдсә ики јүз хүсуси тәјинатлы гүввә ҝөндәрибләр.
342/
9 aprel 2022 - 14:53
Xəbər kodu: 1246452
Сионист режим ордусунун мүхтәлиф гүввәләринин табелијиндә олан командо вә хүсуси тәјинатлы бөлмәләр фәләстинлиләрин дүнән ҝеҹә кечирдикләри мүгавимәт әмәлијјатынын ардынҹа Тәл-Әвивә чағырылыблар.
