АБНА24 Хәбәр Верир , Ҹәнуби Гафгазда реҝионал әмәкдашлыг, “3+3” платформасынын уғурла фәалијјәтә башламасындан данышан Лавров билдириб ки, бу платформа диалогун гурулмасы вә чохпланлы әмәкдашлыг үчүн әлавә имканлар јарадыр: “Биз Ҝүрҹүстанын бу пескпективли формата гошулмасында мараглы олдуғумуз тәсдиг етдик”
Серҝеј Лавров АТӘТ-ин Минск Групунун фәалијјәтинә дә мүнасибәт билдириб. О бу групун ҝәләҹәк талејинин неҹә олаҹағыны билмәдијини дејиб вә бунун сәбәби кими һәмсәдр дөвләтләр - АБШ вә Франсанын русофоб сијасәтини ҝөстәриб.
Онун сөзләринә ҝөрә, русофоб әһвал-руһијјәдә олан франсалы вә америкалы тәрәфдашлары Русија Федерасијасы илә бағлы олан һәр шеји ләғв едибләр, ејни заманда АТӘТ-ин Минск Групунун һәмсәдр үчлүјүндән дә имтина едибләр вә бәјан едибләр ки, Русија илә бу форматда данышмајаҹаглар.
Лавров вурғулајыб ки, әҝәр онлар Ҹәнуби Гафгаздакы марагларыны гурбан вермәк истәјирләрсә, бу, онларын сечимидир.
Лавров әлавә едиб ки, бу јанашма Русијаны руһдан салмајаҹаг вә Москва Русија, Ермәнистан вә Азәрбајҹан лидерләринин үчтәрәфли форматда әлдә етдији разылашмаларын иҹра олунмасына төһфә вермәјә гәрарлыдыр.
Лавров Ҹәнуби Гафгазда реҝионал әлагәләрин бәрпа олунмасы илә бағлы Үчтәрәфли Ишчи Групун нөвбәти иҹласынын бу ај Москвада кечириләҹәјини дә билдириб.
О дејиб ки, Азәрбајҹан-Ермәнистан сәрһәдинин делимитасијасы илә бағлы бирҝә комиссијанын јарадылмасы үчүн һеч бир проблем јохдур.
“Билдијиниз кими, бунунла бағлы принсипиал разылыг өтән илин нојабрында Сочидә әлдә олунуб. Үмид едирик ки, ән јахын вахтларда белә комиссија јарадылаҹаг. Бизим гијмәтләндирмәләримизә ҝөрә комиссијанын јарадылмасы јолунда һансыса манеә мүшаһидә етмирик”,- Русија ХИН башчысы билдириб.
342/
9 aprel 2022 - 14:51
Xəbər kodu: 1246449
Русија хариҹи ишләр назири Серҝеј Лавров ермәни һәмкары Арарат Мирзојанла данышыгларынын јекунлары илә бағлы бирҝә мәтбуат конфрансында билдириб ки, Русија Ирәван вә Анкара арасында мүнасибәтләрин нормаллашмасыны алгышлајыр.
