АБНА24 Хәбәр Верир , Һәзрәт Ајәтуллаһүл-үзма Хаменеи Рамазан ајынын илк ҝүнүндә Гурани-Кәримлә үнс мәҹлисиндә етдији чыхышында билдирибләр ки, Аллаһын зијафәтиндә иштирак етмәк илаһи дәвәти гәбул етмәк үчүн сәј вә гәтијјәт тәләб едир. О, һәзрәт бу мүбарәк ајда ҝөрүлән дини әмәлләр сајәсиндә верилән бәрәкәт вә имканлара тохунараг бујурублар: "Бу немәтләр әслиндә Аллаһа јахынлашмаг үчүн уникал фүрсәтдир. Одур ки, Аллаһдан тәвазөкарлыгла вә јалварараг бу фүрсәти дәрк етмәк вә ҝүнаһлардан чәкинмәк үчүн бизә көмәк етмәсини истәмәлијик".
Ислам Ингилабынын Алимәгамлы Рәһбәри Гуран ајәләринә истинад едәрәк, "зикр"ин Сәмави Китабын хејирли адларындан бири вә бөјүк бир фаҹиә олан "гәфләт"ин әкси олдуғуну билдирибләр вә әлавә едибләр: "Мүгәддәс Гурани-Кәримин давамлы охунмасы вә онунла үнсијјәт бизә Аллаһла даһа јахын мүнасибәт гурмаға көмәк едир".
Һәзрәт Ајәтуллаһүл-үзма Хаменеи Гурани-Кәрими сонунҹу Пејғәмбәрин әбәди мөҹүзәси кими сәҹијјәләндирәрәк бујурублар: "Гуран бәшәр тарихинин бүтүн дөврләриндә фәрди, аиләви, сосиал вә мәнәви һәјатын вә һакимијјәтин бүтүн аспектләри үчүн лазыми тәлимләри бәшәријјәтә вермишдир".
О һәзрәт, өјрәнмәји, дүшүнүб, дәрк етмәји Гуранын дәрин, батини вә уҹа тәлимләриндән бәһрәләнмәјин сиррләриндән адландырыблар вә әлавә едибләр: "Бу тәлимләрдән бәһрәләнмәјин илкин шәрти инсанын гәлбини вә нәфсини тәмизләмәсидир вә бу, ҝәнҹлик дөврүндә чох асандыр".
Ислам Ингилабынын Рәһбәри өлкәдә ҝөркәмли вә мүкәммәл Гуран гариләринин чохлуғундан мәмнунлуғуну ифадә едәрәк, бу немәти Ислам Ингилабы илә әлагәләндирибләр.
О Һәзрәт , Гуран тилавәтинин илаһи бир сәнәт олдуғуну билдирәрәк, бу сәнәтин Аллаһы зикр етмәк вә инсанлары Аллаһа дәвәт етмәк үчүн хидмәт етмәли олдуғуну вурғулајараг, бујурублар: "Гуран тилавәти елә олмалыдыр ки, динләјиҹиләрин иманы артсын. Она ҝөрә дә Гуран тилавәтинә сырф бир сәнәт кими бахылмамалы, хырда тәфәррүатларын вә ја бәзи өзүнү ҝөстәрмәләрин зикр вә Аллаһа дәвәт етмәк һалыны үстәләмәсинә имкан вермәмәлијик".
342/
5 aprel 2022 - 13:11
Xəbər kodu: 1244993
Ислам Ингилабынын Алимәгамлы Рәһбәри рамазан ајыны илаһи зијафәт вә Аллаһын сонсуз рәһмәт ајы адландырыб вә гәлби тәмизләмәји вә Гурани-Кәрими тәфәккүрлә охујуб дәрк етмәји бу илаһи зијафәтдән бәһрәләнмәк үчүн мүһүм амилләр кими дәјәрләндириб.
