Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Авропада Русијаја гаршы санксијалара ҝөрә аҹлыгдан горунмағын јолу ачыгланыб.
Русија газындан имтина вә Авропаја тахыл тәдарүкүнүн олмамасы гитә сакинләрини аҹлыгла тәһдид едир.
Иранын “Фәрда” нәшри бу сәбәбләрә ҝөрә Русијаја гаршы санксијаларын јумшалдылмасы вә ја ҝөтүрүлмәси, еләҹә дә Ирана гаршы мәһдудијјәтләрин арадан галдырылмасы илә бағлы прогнозлар вериб.
“Јухарыда ҝөстәрилән бүтүн проблемләрә вә онларын Авропа үчүн критик әһәмијјәтинә ҝөрә чох ҝүман ки, Авропа сијасәтчиләри вә һөкумәтләри чох јахын ҝәләҹәкдә принсипләри ҝүзәштә ҝетмәли олаҹаглар”, - дејә материалда дејилир.
Мәгаләдә һәмчинин Полшанын кечмиш баш назири Доналд Тускун прогнозу да хатырладылыб. О прогноз вериб ки, Украјнада әкин кампанијасынын позулмасы вә Русијадан тахыл тәдарүкүнүн олмамасы һалында өлкәдә чөрәјин гијмәтинин дөрд дәфә артаҹаг.
Иранлы мүәллифин фикринҹә, охшар проблемләр диҝәр Авропа өлкәләрини дә тәһдид едир.
Мәгаләдәки диҝәр тәһлүкә Русија газыны рубла алмагдан имтинаја ҝөрә јанаҹағын гијмәтинин галхмасыдыр.
Мартын 28-дә Бирләшмиш Милләтләр Тәшкилатынын Әрзаг вә Кәнд Тәсәррүфаты Тәшкилаты (ФАО) бәјан едиб ки, Украјна бөһраны илә әлагәдар бир сыра өлкәләр үчүн “дәһшәтли аҹлыг” тәһлүкәси вар.
Мүтәхәссисләр һәмчинин дүнја мигјасында әсас әрзаг мәһсулларынын баһалашдығыны ачыглајыблар.
Диггәт: Хәбәрдән Истифадә Етдикдә Мәнбәјә Истинад Лазымдыр!
