Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Алманија һөкумәти јанында игтисади инкишаф үзрә експерт шурасынын үзвү Вероника Гримм “Известија” гәзетинә мүсаһибәсиндә өлкәсинин енержи бөһраны нәтиҹәсиндә үзләшдији вәзијјәтдән данышыб.
Онун сөзләринә ҝөрә, Алманијада артыг әрзаг бөһраны башлајыб. Игтисадчы вурғулајыб ки, газын гијмәтинин галхмасы фонунда ҝүбрәләрин дә гијмәти артыб, нәтиҹәдә гытлыг јараныб.
Гримм диҝәр амил кими Русија вә Украјнадан кәнд тәсәррүфаты мәһсулларынын ихраҹынын ҝөзләнилән чатышмазлығыны сәсләндириб:
“Сәнајеси инкишаф етмиш өлкәләр үчүн бу, әрзаг гијмәтләринин артмасы демәкдир, инкишаф етмәкдә олан өлкәләр үчүн исә о, аҹлыға сәбәб ола биләр”.
Бундан әввәл БМТ-нин баш катиби Антонио Гутерреш демишди ки, Украјнадакы вәзијјәт нәтиҹәсиндә әрзаг, ҝүбрә вә енержи гијмәтләринин артмасы глобал әрзаг бөһранына сәбәб ола биләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
