АБНА24 Хәбәр Верир , Азәрбајҹан Республикасы хариҹи ишләр назири билдириб ки, Ермәнистан вә Азәрбајҹан арасында сүлһ мүгавиләси үзәриндә ишләмәк тәклифи ирәли сүрүлүб.
“Өтән тәхминән 1 ил әрзиндә Азәрбајҹан бу истигамәтдә Ермәнистан тәрәфиндән һеч бир реал гаршылыг ҝөрмәјиб. Бу илин феврал ајынын 21-дә исә Азәрбајҹан тәрәфи даһа спесифик, конкрет вә садә бир сәнәди Ермәнистан тәрәфинә ҝөндәриб. Бу сәнәд Ермәнистан-Азәрбајҹан мүнасибәтләринин нормаллашмасыны өзүндә еһтива едән 5 база принсипидир. Биз чох конкрет тәклиф вермишик. Бүтүн принсипләр бејнәлхалг һүгуга әсасланыр. Бу барәдә иҹтимаијјәтә ҝениш мәлумат верилиб. Биз бунунла нөвбәти дәфә өз хош нијјәтимизи ҝөстәрдик”, - ХИН башчысы гејд едиб.
Ҹејһун Бајрамов вурғулајыб ки, сон бир нечә ҝүн әрзиндә Ермәнистанын јүксәк сәвијјәли сијасәтчиләри тәрәфиндән мүсбәт месажлар сәсләндирилир: “Биз тәрәфләр арасында әлагәләрин олмасыны мүсбәт гијмәтләндиририк. Азәрбајҹан тәрәфи һәр заман данышыглара ачыг сијасәт һәјата кечирир. Һесаб едирик ки, 6 апрел ҝөрүшү нөвбәти бир имкандыр. Азәрбајҹан тәрәфи мөвгејини ачыг ифадә едиб. Мән өнҹәдән олдугҹа габаглајыҹы һансыса месажлар вермәк истәмәздим. Дүшүнүрәм ки, јахын ҝүнләрдә Ермәнистанын бу мәсәләјә нә дәрәҹәдә ҹидди јанашдығыны, нә гәдәр конкрет аддымларла ирәлиләмәјә һазыр олдуғуну ҝөрәҹәјик. Азәрбајҹанын јанашмасы буна адекват олаҹаг”.
342/
3 aprel 2022 - 12:18
Xəbər kodu: 1244221
30 иллик ишғала сон гојуландан вә үчтәрәфли бәјанат имзаланандан гыса мүддәт сонра Азәрбајҹан дөвләти ән јүксәк сәвијјәдә Ермәнистанла мүнасибәтләрин нормаллашдырылмасы истигамәтиндә ҹидди аддымларын атылмасына һазыр олдуғуну бәјан едиб. Буну хариҹи ишләр назири Ҹејһун Бајрамов АПА -нын апрелин 6-да Брүсселдә Авропа Иттифагы (АИ), Азәрбајҹан вә Ермәнистан лидерләринин үчтәрәфли ҝөрүшүнә даир суалына ҹаваб олараг дејиб.
