АБНА24 Хәбәр Верир , Иран Хариҹи Ишләр Назирлијинин сөзчүсү Сәид Хәтибзадә БМТ баш катибинин Јәмән мәсәләләри үзрә хүсуси нүмајәндәсинин Јәмәндә һәрби әмәлијјатларын ики ај мүддәтинә дајандырылмасы, јанаҹаг вә гида маддәләри дашыјан ҝәмиләрин ҝиришинә иҹазәнин верилмәси вә Сәна һава лиманынын нисбәтән ачылмасына даир тәшәббүсүнү алгышлајыб.
Гејд едәк ки, БМТ баш катибинин Јәмән мәсәләләри үзрә хүсуси нүмајәндәси дүнән ахшамчағы Сәнанын бүтүн һәрби әмәлијјатларын дајандырылмасы вә Јәмәнә гаршы мүһасирәнин азалдылмасы барәдә бу өлкәнин истефа вермиш һөкумәти вә тәҹавүзкар коалисија илә разылашмасындан хәбәр верди.
Иран Хариҹи Ишләр Назирлијинин сөзчүсү үмидварлыг едибдир ки, бу аддым Јәмән бөһраны үчүн сијаси һәлл јолунун тапылмасы истигамәтиндә атәшкәсин даими бәргәрары вә мүһасирәнин там шәкилдә арадан галдырылмасы үчүн бир башланғыҹ ола биләҹәк.
БМТ баш катибинин Јәмән мәсәләләри үзрә хүсуси нүмајәндәси Һанс Грундберг дүнән ахшамчағы дејиб ки, тәрәфләр Јәмәнин ичәрисиндә бүтүн һава, гуру вә дәниз һәрби әмәлијјатлары вә сәрһәддән кәнар әмәлијјатларын дајандырылмасы барәдә разылыға ҝәлибләр.
342/
3 aprel 2022 - 12:17
Xəbər kodu: 1244220
Иран Јәмәндә һәрби әмәлијјатларын ики ај мүддәтинә дајандырылмасы үзрә тәшәббүсү алгышлајыб.
