АБНА24 Хәбәр Верир , Бакы Дөвләт Университетинин досенти, сијаси елмләр доктору Сабир Мәммәдли Сәһәр Каналы үчүн јаздығы шәрһдә билдирир: "Азәрбајҹан Русијаја гаршы санксијалара гошулмајаҹаг. Бурада һәм икитәрәфли мүнасибәтләр өз тәсирини ҝөстәрир, һәм дә Јухары Гарабағда Русијанын сүлһмәрамлыларынын мөвҹудлуғу. Одур ки, индики вәзијјәтдә Азәрбајҹан санксијалара бөјүк еһтималла гошулмајаҹаг. Һазыркы дурум едәлидир ки, Гәрб өлкәләри дә Азәрбајҹанын бу мөвгејинә анлашыглы јанашырлар."
Сабир Мәммәдли ону да гејд едиб ки, Азәрбајҹан Украјнаја мүхтәлиф саһәләрдә дәстәк верир, әсасән дә нефт мәһсуллары илә тәһҹизат мәсәләсиндә вә һуманитар саһәләрдә. Мәсәлән, Азәрбајҹан рәһбәрлији «Сокар»а ҝөстәриш вериб ки, Украјнада мөвҹуд олан јанаҹагдолдурма стансијаларында тибби јардым ҝөстәрилсин вә Фөвгәладә Һаллар Назирлијинин нәглијјат васитәләри өдәнишсиз хидмәт етсинләр. Бундан әлавә Азәрбајҹандан Украјнаја дәфәләрлә һуманитар јардым ҝөндәрилиб. Јаз әкин дөврүндә дә Азәрбајҹан Украјнаја јанаҹаг бахымындан јардым ҝөстәрәҹәк.
342/
2 aprel 2022 - 08:33
Xəbər kodu: 1243880
Бакы Дөвләт Университетинин досенти Азәрбајҹан Республикасынын Русијаја гаршы санксијаларда иштирак етмәјәҹәјини вурғулајыб.
