АБНА24 Хәбәр Верир , Иран Ислам Республикасынын хариҹи ишләр назири Һүсејн Әмир-Абдуллаһиан дүнән ахшам Ливан парламентинин сәдри Нәбиһ Берри илә ҝөрүшүб вә онунла икитәрәфли, реҝионал вә бејнәлхалг сәвијјәләрдә тәрәфләри марагландыран мөвзулар әтрафында фикир мүбадиләси апарыб.
Ҝөрүшдә Иран Ислам Республикасы президентинин диҝәр өлкәләрлә әлдә олунмуш разылашмаларын иҹра едилмәси ваҹиблијинә даир тәкидинә ишарә едән Иранын хариҹи ишләр назири дејиб: Иран разылашмаларын гаршылыглы иҹрасы фонунда бүтүн саһәләрдә, дост вә гардаш Ливанла игтисади-тиҹари һәмкарлыглары ҝенишләндирмәјә һазырдыр.
Сөһбәт заманы Әмир-Абдуллаһиан реҝионал вә бејнәлхалг һадисәләрә дә тохунуб: Дүнјадакы бөһранларда, о сырадан Украјна һадисәләриндә Иран Ислам Республикасынын мөвгеји, хариҹи амилләрдән тәсир алмадан, бирбаша вә ајдындыр. Биз истәр Әфганыстан, истәр Јәмән, истәрсә дә Украјнада мүһарибәјә гаршыјыг. Ејни заманда, Гәрб өлкәләри тәрәфиндән биртәрәфли санксијаларын тәтбиг едилмәси бизим үчүн гәбуледилмәздир.
Вјана мүзакирәләринин ҹари ҝедишатына ишарә едән Иранын хариҹи ишләр назири вурғулајыб: Иранлы тәрәф бу мүзакирәләрдә јахшы вә дајаныглы анлашмаја чатмагда ҹиддидир. Бунунла јанашы, мүзакирәләр просесинин узанмасыны истәмир вә өз гырмызы хәтләриндән дә кечмәјәҹәкдир.
Бу ҝөрүшдә Ливан парламентинин сәдри дә өлкәсиндәки електрик чатышмазлығына ишарә илә дејиб: Иран Ислам Республикасынын Ливана јанаҹағын ҝөндәрилмәсинә даир вәдинә әмәл етмәсиндән сонра Америка Ливана лазым олан енержини тәмин етмәк вә газ бору кәмәри лајиһәсинә тәкан вермәк саһәсиндәки заһири сәјләринә рәғмән, индијәдәк өз вәдләринә әмәл етмәјибдир.
Украјнадакы һазыркы һадисәләр барәдә фикир билдирән Нәбиһ Берри ону, ән чох зәрәри мәһз Авропа өлкәләринә јөнәлән бир Авропа-Авропа бөһраны адландырыб.
Ливан парламентинин сәдри һәмчинин бәзи әрәб өлкәләринин сионист режимлә мүнасибәтләри адиләшдирмәк үзрә аддымларыны тәнгид едиб. Гејд едиб ки, Ливан әрәб халгларынын амалларынын горунмасы истигамәтиндә гәсбкар сионист режимлә мүбаризәдә минләрлә шәһид тәгдим едиб. Белә бир һалда, бир груп әрәб өлкәси бу амаллара арха чевириб, гејд олунан режимлә сазиш едибдир.
Нәбиһ Берри Ираны дүнјадакы мүгавимәт ҹәрәјанларынын илһамвериҹиси вә реҝиондакы мүгавимәтин әсас булағы адландырыб.
342/
26 mart 2022 - 10:09
Xəbər kodu: 1242483
Иран Ислам Республикасынын хариҹи ишләр назири Иранын електрик вә газ саһәләри дахил олмагла енержи саһәсиндә Ливанын еһтијаҹларыны тәмин етмәк үзрә әмәкдашлыға һазыр олдуғуну билдириб.
