АБНА24 Хәбәр Верир , һәрби идарәдә ҝуја Гарабағда пилотсуз учан апаратларын тәтбигилә һәрби тоггушмаларын баш вермәси вә нәтиҹәдә Азәрбајҹан һәрбчиләринин һәлак олмасы барәдә мәлуматлары ермәни тәрәфинин тәхрибат характерли вә јалан мәлуматлары адландырыблар.
Мүдафиә Назирлијинин мәлуматында билдирилир ки, әслиндә Азәрбајҹан ордусунун бөлмәләри гүввә тәтбиг етмәдән өз мөвгеләринин вә дислокасија мәнтәгәләринин дәгигләшдирилмәси просесини давам етдирирләр.
"Азәрбајҹан бөлмәләри әмәлијјат шәраитинә там нәзарәт едир", - мәлуматда дејилир.
Ермәнистан КИВ Гарабағ сепаратчыларына истинадән иддиа едир ки, мартын 25-нә кечән ҝеҹә Азәрбајҹан бөлмәләри атәш ачыблар вә пилотсуз учан апаратлардан истифадә олунуб.
Ермәни тәрәфинин иддиасына ҝөрә, Азәрбајҹан "ән азы 5 һәрбчисини итириб", онун өзүндә исә "бир јаралы" вар.
Ермәни мәнбәләринә ҝөрә, дүнән Азәрбајҹан һәрбчиләри атәш етмәдән Гарабағын шәргиндә Фәррух кәндини тутублар вә инди тәрәфләрин илкин мөвгеләрә гајытмасы илә бағлы сүлһмәрамлыларла данышыглар апарылыр. Ермәнистан КИВ һәмчинин Фәррухдан 4 километр аралыда јерләшән Пирләр (Храморт) кәндиндә ермәни һәрбчиләрин вә "көнүллүләр"ин топландығыны билдириб.
342/
26 mart 2022 - 10:08
Xəbər kodu: 1242482
Азәрбајҹан Мүдафиә Назирлији Гарабағда һәрби тоггушмалар барәдә мәлуматлары тәкзиб едиб. Бакыда Азәрбајҹанын ҹанлы гүввә иткисилә бағлы ермәниләрин мәлуматларыны дезинформасија адландырыблар.
