Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, НАТО-нун мүдафиә назирләри алјансын Русија Федерасијасындан мүдафиәси үчүн ҝенишләндирилмиш планлар һазырламаға башлајырлар.
Буну һәрби иттифагын баш катиби Јенс Столтенберг НАТО мүдафиә назирләринин ҝөрүшүндән сонра билдириб.
О вурғулајыб ки, сөзүҝедән планлар гуруда, сәмада, дәниздә вә кибермәканда НАТО өлкәләринин мүдафиәсини нәзәрдә тутур.
“НАТО коллектив чәкиндирмә тәдбирләрини нәзәрдән кечирмәли, алјансын шәрг һиссәсиндә гүввәләри артырмалыдыр. Иттифаг өлкәләри јекдилликлә һесаб едирләр ки, алјанс Украјнада гүввәләр јерләшдирмәмәлидир. НАТО Украјнада сүлһмәрамлы миссија јерләшдирмәји планлашдырмыр”, - дејә о бәјан едиб.
Столтенберг гејд едиб ки, ҝәлән һәфтә НАТО саммитиндә Украјнадакы мүнагишәнин алјансын мүдафиәси үчүн узунмүддәтли тәсирләри нәзәрдән кечириләҹәк. Һәмчинин, НАТО өлкәләри Украјнаја һәрби вә малијјә јардымыны давам етдирәҹәк.
Диггәт: Хәбәрдән Истифадә Етдикдә Мәнбәјә Истинад Лазымдыр!
