Мүраҹиәтдә дејилир:
Бисмиллаһир-рәһманир-рәһим
Азәрбајҹан Республикасынын президенти, ҹәнаб Илһам Әлијев
Иран Ислам Республикасы илә Азәрбајҹан Республикасы арасында дипломатик мүнасибәтләрин гурулмасынын отузунҹу илдөнүмү мүнасибәтилә зати-алиләрини вә гоншу вә гардаш Азәрбајҹан Республикасы халгыны сәмими гәлбдән тәбрик едирәм.
Ики өлкә өтән отуз илдә ортаг дини, мәдәни вә тарихи бағлылыглара вә мараглара әсасән, һәмчинин ики өлкә халгынын вә јүксәк вәзифәли рәсмиләринин ирадәсинин спектриндә динҹ јанашы јашама вә гаршылыглы һөрмәтлә мүшајиәт олунан сәмими әлагәләри тәҹрүбә едиб.
Хошбәхтликдән, сијаси, игтисади, нәглијјат, енержи, мәдәни вә саир саһәләрдәки ҹари гаршылыглы әлагәләр инкишафда олан просесә маликдир вә сизин өлкәниздә кечирилән бирҝә игтисади комиссијанын 15-ҹи иҹласы бу мәсәләјә дәлаләт едир.
Реҝионал вә бејнәлхалг шәраит,/ гоншу өлкәләрин, хүсусән ортаг тарих, мәдәнијјәт вә сивилизасијаја малик олан өлкәләрин мөһкәм вә мүнтәзәм әлагәләри зәрурәтини икигат артырыр. Әминәм ки, мөвҹуд олан әлагәләр ҝәләҹәкдә бүтүн саһәләрдә, хүсусән игтисади вә тиҹари саһәләрдә ики өлкә халгынын хејринә даһа да јүксәләҹәк.
Иран Ислам Республикасы бу истигамәтдә Азәрбајҹан Республикасы илә мүнасибәтләринин бүтүн саһәләрдә кәмијјәт вә кејфијјәт ҹәһәтдән јүксәлмәсини алгышлајыр вә өз гоншу өлкәсилә икитәрәфли, реҝионал вә бејнәлхалг әмәкдашлыглара һазырдыр.
Иран Ислам Республикасы мүхтәлиф саһәләрдә јүксәк елми-техноложи баҹарыглара маликдир вә ону дост өлкәләрин ихтијарына гојмаға һазырдыр.
Иранын техники-мүһәндислик, абадлыг вә сәнаје саһәләри үзрә баҹарыглы ширкәтләри Азәрбајҹан Республикасы ширкәтләрилә әмәкдашллыға вә сизин азад едилмиш бөлҝәләриниздә ҹидди вә еффектив иштирака һазырдырлар.
Аллаһ-Тааладан зати-алиләри вә әзиз вә доғма Азәрбајҹан Республикасы халгы үчүн сағламлыг вә фираванлыг диләјир, өнҹәдән әҹдадларымызын ирси вә ики халгын ортаг бајрамы олан Новруз бајрамы мүнасибәтилә сизи вә сизин мөһтәрәм аиләнизи тәбрик едирәм.
Сејид Ибраһим Рәиси
Иран Ислам Республикасынын президенти
342/
16 mart 2022 - 05:44
Xəbər kodu: 1239724
Иран президенти ики өлкә арасында дипломатик мүнасибәтләрин гурулмасынын отузунҹу илдөнүмү мүнасибәтилә Азәрбајҹан Республикасынын президентинә тәбрик мүраҹиәти ҝөндәриб.
