АБНА24 Хәбәр Верир , ҹари милад или февралын 11-дә рәсми топлантыда чыхыш едән Түркмәнистан президенти Гурбангулу Бердимәһәммәдов һакимијјәти “ҝәнҹ лидерләрә” вермәк нијјәтиндә олдуғуну билдирмишди. Гурбангулу Бердимәһәммәдовун президент күрсүсүнү тәрк едәҹәји илә бағлы ејһамындан аз сонра Түркмәнистан Мәркәзи Сечки Комиссијасы мартын 12-дә нөвбәдәнкәнар президент сечкиләринин кечириләҹәјини билдирди вә сонра президентин оғлу Сәрдар сечкиләрә намизәдлијини ирәли сүрдү.
Сон илләрдә оғлуну мүхтәлиф һөкумәт вәзифәләринә тәјин едән Гурбангулу Бердимәһәммәдовун ону өзүнә варис һазырладығы дејилирди. Сердар Бердимәһәммәдов кечән ил баш назирин мүавини вәзифәсинә сечилди о бир нечә башга рәсми вәзифә дә тутмушду.
Сон ики илдә Сәрдар Бердимәһәммәдов иҹтимаи мүһитдә вә КИВ-дә атасындан даһа чох ҝөрүнүр. Өлкәнин реҝионларыны долашыб, тез-тез әсас каналда чыхыш едир вә бејнәлхалг сәфәрләрә ҝедирди.
62 јашлы Гурбангулу Бердимәһәммәдов үчүнҹү дәфә 2017-ҹи илдә президент сечилиб вә бу вәзифәни 2024-ҹү илә гәдәр иҹра едә биләрди анҹаг ҝөрүнүр о һакимијјәти оғлуна өтүрмәји мәсләһәт ҝөрүб.
Бердимәһәммәдовун вахтындан әввәл һакимијјәтдән ҝетмәк гәрарына гоншу өлкәләрдә баш вермиш һадисәләр - һакимијјәтин өтүрүлмәси илә бағлы Өзбәкистанын биринҹи президенти Ислам Кәримовун аиләсинин уғурсуз ҹәһди вә Газахсытанын кечмиш президенти Нурсултан Назарбајевин һакимијјәтдән узаглашдырылмасынын тәсир етмәси барәдә фикирләр сәсләндирилир.
Ихтисасҹа мүһәндис-технолог олан Сәрдар Бердимәһәммәдов Түркмәнистанын Кәнд Тәсәррүфаты Университетини битириб, техники елмләр докторудур. Ејни заманда, президентин јеҝанә оғлудур.Баҹыларынын әрдә олдуглары вә хариҹдә јашадыглары билинир. Сәрдар өзү дә евлидир, дөрд өвлады вар.
342/
16 mart 2022 - 05:22
Xəbər kodu: 1239710
Түркмәнистанда президент сечкиләриндә Сәрдар Бердимуһәммәдов 72,97 фаиз сәслә галиб ҝәлиб.бу барәдә ТАСС Түркмәнистан Мәркәзи Сечки Комиссијасына истинадән мәлумат јајыб.
