АБНА24 Хәбәр Верир , буну Русија Мүдафиә Назирлијинин рәсми нүмајәндәси ҝенерал-мајор Игор Конашенков билдириб.
О гејд едиб ки, дүнән вә бу ҝүн јүксәк дәгиглијә малик силаһла Василковдакы аерордом вә Броварыдакы радио вә радиотехники кәшфијјат мәркәзи сырадан чыхарылыб.
Конашенков һәмчинин иддиа едиб ки, Украјна силаһлы гүввәләринин 1127 танк вә диҝәр зиреһли дөјүш машыны, 115 реактив јајлым атәш системи, 423 сәһра артиллерија вә минаатан, 934 хүсуси тәјинатлы һәрби техника, еләҹә дә 123 пилотсуз учуш апараты да мәһв едилиб.
Бу арада Русија хариҹи ишләр назиринин мүавини Серҝеј Рјабков Русијанын дөвләт телеканалына мүсаһибәсиндә дејиб ки, Украјнаја ҝедән силаһ карванлары Русија ордусунун һәрби һәдәфинә чеврилә биләр.
"Биз АБШ-а хәбәрдарлыг етмишик ки, онун бир сыра өлкәләрдән Украјнаја силаһ ахыныны тәшкил етмәси тәкҹә тәһлүкәли аддым дејил, һәм дә бу силаһ карванлары Русија ордусунун леҝитим һәрби һәдәфләринә чеврилир", дејә о билдириб.
Рјабков, Москванын, Вашингтонун Украјнаја мобил зенит-ракет комплексләри вә танк әлејһинә ракетләр кими силаһларла еһтијатсыз шәкилдә тәмин етмәсинин нәтиҹәләри барәдә хәбәрдарлыг етдијини билдирәрәк, гаршы тәрәфин Русијанын бу хәбәрдарлыгларыны ҹидди гәбул етмәдијини дилә ҝәтириб.
Өз нөвбәсиндә Украјна да иддиа едиб ки, иримигјаслы дөјүш заманы Русија зиреһли техника калону Украјна Силаһлы Гүввәләри тәрәфиндән пусгуја салыныб вә мәһв едилиб. Гејд олунур ки, рус һәрбчиләри бөјүк бир бөлмәнин тәркибиндә маҝистрал јоллардан бири илә һәрәкәт едирдиләр, лакин ҝөзләнилмәдән јанаҹагдолдурма мәнтәгәси әразисиндә һүҹума мәруз галыблар.
Һәмчинин билдирилир ки, дөјүшләр заманы Украјнанын мүдафиәчиләри Русијанын Һава Космик Гүввәләрини јени иткиләрә мәруз гојублар. Ҝүн әрзиндә Русија Һава Космик Гүввәләри бир Су-34 гырыҹы-бомбардманчысыны, 4 дөјүш вертолјотуну вә бир пилотсуз тәјјарәсини итириб.
342/
13 mart 2022 - 04:45
Xəbər kodu: 1238684
Русија Силаһлы Гүввәләри хүсуси әмәлијјат башлајандан индијә кими Украјнада 3491 һәрби објекти мәһв едиб.
