АБНА24 Хәбәр Верир ,Чинин БМТ-дәки нүмајәндәси Чжан Тсзјун Украјнаја силаһ ҝөндәрилмәсинин бу өлкәдәки дурумун даһа да ағырлашмасына баис олаҹағыны билдириб.
Тсзјун дејиб: Биз һәлә дә Украјнадакы вәзијјәтдән нараһатыг. Мүлки әһали арасында тәләфатын артмасындан дәрин тәәссүф ифадә едирик. Биз максимум дәрәҹәдә тәмкинли олмаға чағырырыг. Мүһарибәјә сон гојулмасыны, мүлки әһалинин һәјатынын, әмлакларын горунмасына әмин олмағы, инсанларын илкин тәләбатларынын тәмин едилмәси саһәсиндә дипломатик сәјләрин артырылмасыны тәләб едирик.
Чинин БМТ-дәки даими нүмајәндәси әлавә едиб: Украјнанын вәзијјәти мүрәккәб амилләр комплекси уҹбатындан даһа да писләшиб. Долашыг мәсәләләри һәлл етмәк үчүн ода одун атмаг әвәзинә, сакитлијә вә агиллијә еһтијаҹ вар. Украјнадакы бөһранын арадан галдырылмасы үчүн БМТ Низамнамәсинин принсип вә мәгсәдләринә садиг галмаг, өлкәләрин суверенлији вә әрази бүтөвлүјүнә һөрмәтлә јанашмаг, тәһлүкәсизлијин бөлүнмәзлији принсипләринә әмәл етмәк, тәрәфләрин агиланә тәһлүкәсизлик ниҝаранчылыгларыны ҹавабландырмаг ҝәрәкдир. Диалога мүраҹиәт вә бөһран үчүн динҹ һәлл јолларынын тапылмасы зәруридир.
Чжан Тсзјун Чинин ҝәрҝинлији азалтмаға вә сијаси компромисә наил олмаға көмәк едәҹәк һәр һансы бир аддымы дәстәкләдијини вурғуладығыны билдириб: Биз биртәрәфли санксијалардан дәриндән нараһатыг. Санксијалар бу бөһранын һәлли үчүн тәсирли васитә дејил, әксинә бу, инсанларла бағлы фәлакәтли нәтиҹәләрә ҝәтириб чыхараҹаг. Украјнаја силаһ вә муздлуларын ҝөндәрилмәси вәзијјәтин даһа да ағырлашмасына сәбәб олуб, даһа чох вә даһа ҹидди тәһлүкәләр јарада биләр. Чин сүлһүн бәргәрарына дәстәји вә јардымыны давам етдирәҹәк. Биз Русија вә Украјнаны бирбаша данышыглары давам етдирмәјә чағырырыг вә үмид едирик ки, онларын мүзакирәләри сүлһә ҝәтириб чыхараҹаг.
342/
9 mart 2022 - 04:53
Xəbər kodu: 1237482
Чин нүмајәндәси БМТ Тәһлүкәсизлик Шурасынын иҹласында Русијаја гаршы биртәрәфли санксијалар нәтиҹәсиндә бејнәлхалг тәһлүкәсизлијә вә сүлһә јөнәлән тәһдидләрдән нараһат олдуғуну билдириб.
