АБНА24 Хәбәр Верир ,Украјнада мүһарибәнин давам етмәсилә бир заманда, бу һадисәјә бејнәлхалг реаксијалар далғасы давам едир. Русијаја гаршы бејнәлхалг санксијалар, тәһдидләр вә дипломатик тәзјигләр артмагдадыр.
Франсанын пајтахтында етиразчылар әлләриндә Украјна бајрағы илә јүрүш кечириб, Русијадан өз гүввәләрини Украјнадан ҝери чәкмәсини тәләб едибләр. Украјнанын Франсадакы сәфири Вадим Омулченко Парис күчәләриндәки етиразчылар арасында олуб.
Белә бир һалда, јүзләрлә нәфәр дә Лондонун мәркәзинә топлашыб вә Русијанын Украјнадакы һәрби әмәлијјатларына гаршы чыхыбдыр.
Әлләриндә, үзәрләриндә «Авропаны горујун: Украјнаны хилас един!» ифадәси јазылмыш плакатлар тутан етиразчылар «Путини дајандырын, мүһарибәнин гаршысыны алын!» шүары верибләр.
Алманијанын Һамбург шәһәринин полиси дә билдирибдир ки, бу шәһәрдә отуз минә јахын инсан јүрүш кечириб. «Украјнада сүлһ, Авропада тәһлүкәсизлик» шүары верән јүрүш иштиракчылары Украјнада савашын битмәсини истәјибләр.
342/
7 mart 2022 - 05:19
Xəbər kodu: 1236718
Авропада, о сырадан Парис, Лондон вә Һамбургда Украјнада мүһарибәнин давам етмәсинә етиразлар давам едир. Етиразчылар мүһарибәнин дајандырылмасыны тәләб едирләр.
