АБНА24 Хәбәр Верир , “Мүсәлман Бирлији” Һәрәкатынын үзвү Елшән Аббасова күлли мигдарда наркотик васитәнин ганунсуз дөвријјәси иттиһамы ирәли сүрүлүб.
Елшән Аббасов мартын 3-дә иш јеринин јахынлығында мүлки ҝејимли шәхсләр тәрәфиндән сахланылмышды.
Јахынлары билдирибләр ки, бу ҝүнәдәк онун талејиндән хәбәрсиз имишләр.
Аббасов бундан өнҹә дә диндарларын һүгугларыны мүдафиә етдијинә ҝөрә ики дәфә мүһакимә олунуб. Белә ки, 2012-ҹи илин октјабрында мәктәбләрдә һиҹаб гадағасына етираз аксијасында иштирак етдијинә ҝөрә бир ил мүддәтинә һәбс едилиб.
Вәтәндаш ҹәмијјәти фәалларынын сөзләринә ҝөрә, о һәбсини чәкдикдән сонра јенә дә әввәлки јолуну давам етдирдијинә ҝөрә нөвбәти дәфә 2017-ҹи илдә ганунсуз наркотик маддә вә силаһ сахламагла бағлы ујдурма иттиһамла һәбс олунуб вә 2,5 ил мүддәтинә азадлыгдан мәһрум едилиб.
Фәаллар билдирибләр ки, әксинә, Аббасов ҝәнҹләр арасында наркотик васитәләрин јајылмасына гаршы маарифләндирмә иши апарыр, Гуран курслары тәшкил едир.
Туран өз мәлуматында билдирир ки, Дахили Ишләр Назирлијинин мәтбуат хидмәтиндән шәрһ алмаг мүмкүн олмајыб.
342/
6 mart 2022 - 05:20
Xəbər kodu: 1236340
Нәриманов Рајон Мәһкәмәси Елшән Аббасовун барәсиндә 4 ај мүддәтинә һәбс гәтимкан тәдбири сечиб.
