АБНА24 Хәбәр Верир , дүнән Беларусун Гомел вилајәтиндә кечирилән ҝөрүш тәхминән беш саат давам едиб.
Русија нүмајәндә һејәтинин үзвү Владимир Медински билдирб ки, бу мүддәт әрзиндә иштиракчылар бүтүн ҝүндәлији әтрафлы шәкилдә нәзәрдән кечирибләр. Онун сөзләринә ҝөрә, ортаг мөвгеләр прогнозлашдырылыб вә мүмкүн олан мәгамлар тапылыб.
“Русија Федерасијасы вә Украјнанын нүмајәндә һејәтләри ирәлиләјиш әлдә едилә биләҹәк мүһүм бәндләри тапдылар. Украјна нүмајәндә һејәти динләмәјә вә актуал мәсәләләрин әтрафлы мүзакирәсиндә иштирак етмәјә һазыр иди”, -дејә Беларусдакы кечирилән ҝөрүшдә иштирак едән Русија нүмајәндә һејәтинин үзвү вурғулајыб.
Өз нөвбәсиндә, Украјна Президентинин Апарат рәһбәринин мүшавири Михаил Подолјак билдириб ки, тәрәфләр спесифик һәлл јолларынын тәсвир олундуғу приоритет мөвзулар мүәјјән едибләр.
Украјна Президенти Володимир Зеленски исә видеомүраҹиәтдә билдириб ки, Кијев Москва илә данышыгларда һәлә дә истәнилән нәтиҹәни әлдә етмәјиб.
Онун сөзләринә ҝөрә, Кијев өз нүмајәндә һејәтинин гајытмасындан сонра Русија илә данышыгларын нәтиҹәсини тәһлил едәҹәк вә данышыгларын икинҹи раундунун һансы форматда кечириләҹәјинә гәрар верәҹәк.
Гејд едәк ки, февралын 28-дә Беларус әразисиндә Русија вә Украјна нүмајәндә һејәтләри арасында данышыглар апарылыб.
342/
2 mart 2022 - 04:43
Xəbər kodu: 1234924
Москва вә Кијев нүмајәндә һејәтләри арасында Украјнадакы вәзијјәтин низамланмасы үзрә данышыгларин сонунда тәрәфләр икинҹи раундун кечирилмәси барәдә разылыға ҝәлибләр.
