Нә Гәрб ҝүзәштә ҝедир, нә дә Русија

АБНА24 Хәбәр Верир , АБШ Президенти Ҹо Бајден дејиб ки, НАТО-нун гапылары алјансын дәјәрини бөлүшән вә она гошулмаг гәрары верән һәр өлкә үчүн ачыгдыр. Бајден бунун ардынҹа Украјнаја тәҹили һәрби јардым барәдә меморандум имзалајыб.

Италијанын Хариҹи Ишләр Назирлији исә билдириб ки, Русија Авропа Шурасындан чыхарылыб.

Авропа Иттифагы һәмчинин Русијаја Украјна илә бағлы јени санксијалар тәтбиг едиб.

Бу арада Русијанын БМТ-дәки даими сәфири Васили Небензја Тәһлүкәсизлик Шурасында етдији чыхышында дејиб: “Биз Украјна вә украјналылара гаршы мүһарибә апармырыг. Биз милләтчиләрә гаршы вә Донбас сакинләринин мүдафиәси наминә Украјна ордусунун тәрксилаһ едилмәси үчүн һәрби әмәлијјат кечиририк.”

О билдириб ки, бу тапшырыг гыса мүддәтдә јеринә јетириләҹәк вә Украјна халгы јенидән мүстәгил шәкилдә өз талејини һәлл едә биләҹәк.

Хатырладаг ки, Русија БМТ Тәһлүкәсизлик Шурасында Украјна мүһарибәси илә бағлы гәтнамәни вето едиб. Гәтнамәдә рус гошунларынын дәрһал Украјнадан чыхарылмасы тәләб олунурду.

Һадисәләрин сон инкишафына ҝәлинҹә, Украјна Президент Офиси рәһбәринин мүшавири Михаил Подолјак Русија ордусунун тәләфаты барәдә ачыглама вериб. О дејиб ки, 3 500-дән чох русијалы һәрбчи өлүб вә демәк олар, 200 нәфәр әсир дүшүб.

Онун сөзләринә ҝөрә, һамы баша дүшмәлидир ки, Путин Украјнаја дејил, бүтүн дүнјаја мүһарибә елан едиб.

Диҝәр тәрәфдән Украјнанын екс-президенти Пјотр Порошенко Русијанын һүҹумларыны гынајыб.

Пајтахт Кијев күчәләриндә силаһлы вә мүдафиә гүввәләринин әтрафында дајанан Порошенко ҸНН-ә билдириб ки, украјналылар өз өлкәләрини мүдафиә етмәјә һазырдыр. О дејиб: “Русија Президенти Владимир Путин һеч вахт өлкәмизи әлә кечирә билмәјәҹәк”.

Украјна Силаһлы Гүввәләринин Баш Гәрарҝаһы исә сон дурум барәдә мәлумат јајыб. Билдирилир ки, Русија ордусу Украјнанын шәргиндә вә Кијев вилајәтинин шималындакы аеродромлара, Украјна Силаһлы Гүввәләринин бирликләринә авиазәрбәләр ендирмәкдә давам едир. Бундан әлавә Русија еһтијат һиссәләрини Украјна илә һәмсәрһәд рајонлара јерләшдирмәјә башлајыб вә Украјна Силаһлы Гүввәләринин бирликләринә авиазәрбәләр ендирилир. Полтава, Мариупол, Сумы рајонларына авиазәрбәләр ендирилиб”, - дејә мәлуматда гејд олунуб.

342/