АБНА24 Хәбәр Верир , Ермәниста ХИН Русија илә Азәрбајҹан арасында имзаланмыш бәјаннамәјә никбинлик ифадә едиб.
Ермәнистан Хариҹи Ишләр Назирлијинин сөзчүсү Ваһан Һунанјан бу барәдә билдириб ки, Ермәнистан вә Русија арасында гурулан вә халглар арасында чохәсрлик достлуға әсасланан дөвләтләрарасы мүттәфиглик әмәкдашлығы мөһкәмдир вә бу, һеч бир һалда үчүнҹү дөвләтләрлә мүнасибәтләрлә шәртләнмир. Буну тарих вә имзаланмыш сәнәдләр дә сүбут едир.
Хатырладаг ки, февралын 22-дә Москвада Русија вә Азәрбајҹан президентләри Владимир Путин вә Илһам Әлијев мүттәфиглик әмәкдашлығы һаггында бәјаннамә имзалајыблар.
Орада билдирилир ки, Русија вә Азәрбајҹан һәрби әмәкдашлығы дәринләшдирмәк нијјәтиндәдир.
“Ирәван вә Москва мүхтәлиф сәвијјәләрдә, о ҹүмләдән јүксәк сәвијјәләрдә, зәманәтли тәһлүкәсизлик шәраитиндә өлкәләримизин инкишафынын хејринә һәм икитәрәфли, һәм дә чохтәрәфли мигјасда әлагәләрин ҝенишләндирилмәси истигамәтиндә ардыҹыл аддымлар атыр” – дејәрәк Һунанјан билдириб.
Ермәнистанын ХИН сөзчүсү үмид едир ки, бу ил Москвада февралын 22-дә имзаланмыш бәјаннамә Ермәнистан, Русија вә Азәрбајҹан лидерләри тәрәфиндән гәбул едилмиш үчтәрәфли бәјанатын мүддәаларынын һәјата кечирилмәсинин ирәлиләјишинә әлавә имкан јарадаҹаг. Бу, һәм дә АТӘТ-ин Минск Групунун һәмсәдрлик мандаты чәрчивәсиндә Дағлыг Гарабағ мүнагишәсинин һәртәрәфли һәллинә төһфә верә биләр.
342/
25 fevral 2022 - 09:41
Xəbər kodu: 1233171
Ермәнистан Әлијев илә Путин арасында мүттәфиглик әмәкдашлығы һаггында имзаланмыш бәјаннамәјә етираз етмир, ону һәм дә дәстәкләјир.
