АБНА24 Хәбәр Верир , Русија президенти В.Путинин Украјнанын суверенлијини бирбаша позараг бу дөвләтин һүгуги әразисиндәки гондарма “ДХР” вә “ЛХР”-и танымасы Ханкәнди вә Ирәвандакы реваншист вә сепаратчы ермәниләри һәддән артыг руһландырыб. Онлар тезликлә Кремл тәрәфиндән Гарабағдакы сепаратчы режим барәдә дә белә бир аддымын атылаҹағына үмидләнибләр..
Бунунла әлагәдар ермәни сепаратчыларынын рәһбәри Арајик Арутјунјан Русија Президенти Владимир Путинин гондарма "Донетск вә Луганск Халг Республикаларынын" мүстәгиллијинин танынмасы илә бағлы гәрарыны алгышлајыб.
Арутјунјан бу барәдә өз фејсбук һесабында јазыб: “Халгларын өз мүгәддәратыны тәјин етмәк вә өз дөвләтини гурмаг һүгугу һәр бир халг үчүн ајрылмаздыр вә бејнәлхалг һүгугун фундаментал принсипидир”.
Ермәни медиасында јајылмыш мәлумата ҝөрә, гондарма режимин ганунсуз "ганунвериҹи органы"нын "Әдаләт" фраксијасындан Давид Галстјан да өз "Фаҹебоок" сәһифәсиндә јазыб: “Путин Артсахын мүстәгиллијини нијә танымалы олдуғуну ән јахшы шәкилдә изаһ едиб. Онун сон чыхышында "Украјна вә Донетск" сөзләрини Азәрбајҹан вә "Артсах" сөзләри илә әвәз етсәк, һәр шејин үст-үстә дүшдүјүнү ҝөрәрик. Она ҝөрә дә дүшүнүрәм ки, бу, бизим үчүн јени бир шансдыр. Биз дә белә бир ганун лајиһәсинин тәшәббүскары олмалыјыг” –дејә сепаратчы депутат билдириб.
Азәрбајҹан медиасы јазыр ки, ишғалдан сонракы дөврдә 2020-ҹи иләдәк ким ағлына ҝәтирәрди ки, нә вахтса Азәрбајҹан торпагларынын хејли һиссәси азад едиләҹәк вә бундан јарарланан Русија “сүлһмәрамлы” ады алтында өз ордусуну бу өлкә әразисинә јеридәҹәк... Нә јазыглар ки, бу баш верди вә бундан сонра бу ҝедишлә Донбасда олдуғу кими, Гарабағда он минләрлә Русија вәтәндашы пејда ола биләр...
342/
23 fevral 2022 - 08:13
Xəbər kodu: 1232514
Гарабағ ермәниләри Путинин Украјнаны парчаламсындан мәмнун галыблар, онлар Русијаја хүсуси үмид бәсләјирләр.
