АБНА24 Хәбәр Верир , бу барәдә Бакупост.аз-а ачыгламасында һәрби експерт, еһтијатда олан забит Үзејир Ҹәфәров мәлумат вериб.
О, һәләлик һәмин шәхсин адыны ачыгламаг истәмәјиб: “Забитин өлүмү ачыб-ағардылмады, сакитҹә өтүшдүрүлдү. Чүнки чох мәсәләләри онун үстүнә јүкләмәјә чалышдылар вә о инсан да дүнјасыны дәјишди”.
Назирликдәки јејинти илә бағлы ДТХ-нин кечирдији әмәлијјат заманы һәбс олунанлардан данышан експерт гејд едиб ки, иш бунунла јекунлашмајаҹаг: “Чүнки һазырда иттиһам олунан шәхсләр садәҹә иҹрачылардырлар. Сәнәди имзалајан шәхсләр исә онларын рәһбәрләридир. Малијјәчинин јејинтиләр барәдә рәһбәрләрә һансы формада мәрузә етмәси, һансыса сәнәдә имза чәкдирмәси вә диҝәр мәсәләләр, јәгин ки, арашдырмадан сонра мәлум олаҹаг”.
Ү.Ҹәфәров конкрет адлар да чәкиб вә дејиб ки, бу мәсәләдә Һәрби Дәниз Гүввәләринин команданы, контр-адмирал Сүбһан Бәкировин адыны чәкмәк олар, чүнки һәбс олунанлардан бири Һәрби Дәниз Гүввәләринин нүмајәндәсидир. Даһа сонра бу мәсәләдә ҝенерал-лејтенант Әнвәр Әфәндијевин адыны чәкмәк лазымдыр.
Онун сөзләринә ҝөрыә, илк нөвбәдә исә ән бөјүк мәсулијјәт Мүдафиә Назирлијинин Малијјә вә бүдҹә идарәсинин рәиси ҝенерал-мајор Низами Мәммәдовун үзәриндәдир. Онун да бу мәсәләдә ифадәси алыныб. Амма сахланыланлар арасында дејил.
Еһтијатда олан забит гејд едибб ки, бу мәсәләјә ҝөрә Һесаблама Палатасы да сорғуланаҹаг. Малијјә рәисләри гануну позубларса, ән сәрт шәкилдә ҹәзаландырылмалыдырлар.
Хатырладаг ки, бир нечә ҝүн әввәл Дөвләт Тәһлүкәсизлији Хидмәти Мүдафиә Назирлијиндә әмәлијјат кечириб. Мүдафиә Назирлијинин Малијјә идарәсинин рәиси Рафаел Хәлилов, Гуру Гошунларынын Малијјә шөбәсинин рәиси Бајрамов Бајрам Хәлил оғлу, Н сајлы һәрби һиссәнин Малијјә шөбәсинин рәиси Фәраһим Сәркәров, Мүдафиә Назирлијинин забити Вүсал Әлизадә малијјә јејинтиси иттиһамлары илә һәбс олунублар. Онларын һаггында 4 ај һәбс гәтимкан тәдбири сечилиб.
342/
16 fevral 2022 - 09:45
Xəbər kodu: 1230083
Азәрбајҹан Мүдафиә Назирлијиндәки малијјә мәнимсәмәләринә ҝөрә чох јүксәк рүтбәли бир забит һәјатыны итириб.
