Әһли-Бејт (әлејһимус сәлам) – Хәбәр Аҝентлији АБНА: Нефтин ҝәлириндән инсанлара нијә ајлыг мәваҹиб верилмир? Газиләр вә Шәһид аиләләринә нијә јардым едилмир? Шәрләнәрәк һәбс олунан руһаниләр, сијасиләр, журналистләр нијә азад олунмур? Өлкәдәки инһисарчылыға гаршы нијә бирдәфәлик вә кәскин мүбаризә апарылмыр? Коррупсија нә үчүн баш алыб ҝедир? Гарабағ нә үчүн алынмыр? Әҝәр алыныбса Азәрбајҹан ганунлары нә үчүн орда иҹра олунмур? Президент башда олмагла Азәрбајҹан вәтәндашларынын Ханкәндинә ҝедиши нијә јасагдыр? Араик нијә һәбс едилмир?
Сөз вә ифадә азадлығынын вәзијјәти нијә бәрбад һалдадыр? Нијә демократик сечки кечирилмир? Нијә ҝөрә өлкәдә апарылан сијасәт ҹәмијјәтлә разылашдырылмыр вә гәбул едилмиш гәрарларла бағлы ҹәмијјәтә мәлумат верилмир? Нијә өлкәдә реал мүхалифәт јохдур? Нијә нефтдән ҝәлән ҝәлирләр мәнасыз вә һәтта «екзотик» лајиһәләрә сәрф едилир? Нә үчүн бүтүн бејнәлхалг һесабатларда өлкәнин ады антидемокртик өлкәләрин сырасында чәкилсә дә, бундан һәр һансы нәтиҹә чыхарылмыр?..
БҮТҮН СУАЛЛАРЫН БИР ҸАВАБЫ
Суаллар, суаллар. Онларынсырасыныдаваметдирмәколар. Амма бу суалларын бир «ҹавабы» даһа чох ешидилир: «президент истәјир, фәгәт әтрафындакы мәмурлар имкан вермир...».
Буна нә дәрәҹәдә инанмаг олар? Доғруданмы Илһам бу гәдәр аҹиздир? Әсла. Бунун әксини иддиа етмәк үчүн кифајәт гәдәр тутарлы әсаслар вар. Неҹә ки, Илһам, Меһрибан вә гызлары Лејла 2021, февралын 14-дә Фүзули, Зәнҝилан, Лачын вә Ҹәбрајыл рајонларында оларкән чыхышы заманы Илһам белә деди: «...биз һәр шејә диггәт јетиририк, һәр шејә нәзарәт едирик...». .
О, бүтүн сәмәрәсиз тикилиләрин ачылышында иштирак едир, һара ҝедирсә илк нөвбәдә инсанларла бирбаша контактлардан јајыныр, һалбуки президентлијинин илк чағларында, бәлкә дә һәлә тәҹрүбәсиз олдуғундан әһали илә тәмасда олурду. Инди исә әввәлҹәдән тәшкил олунмуш вә өјрәдилмиш адамларла «ҝөрүшләр» кечирмәјә үстүнлүк верир. Ону анҹаг ҹәмијјәтин фөвгүндә олан бир башчы кими тәсәввүр етмәк мүмкүндүр вә ҝетдикҹә ҹәмијјәтлә ону ајыран аракәсмәләрин сајы артмагдадыр.
Елә бу сәбәбдән ҝүнаһы мәмурларын бојуна атмаг садәҹә садәлөвһлүкдән башга бир шеј дејил – о, һәр шеји билир, һәр шејдән хәбәрдардыр, анҹаг атасы кими идарәчилији беләдир, чүнки о, башга идарәчилик ҝөрмәјиб вә баҹармыр, һәм дә әҹнәби журналистләрдән биринә «мән крал дејиләм, президентәм» - десә дә, әслиндә өлкәни елә крал кими идарә едир. Амма һәтта краллар үчүн дә мүәјјән мәһдудијјәтләр олурду, краллар белә идеал мәнада сәрбәст олмурдулар.
АЛЛАҺ СӘНӘ РӘҺМӘТ ЕЛӘСИН, ЛҮДОВИК!
Крал Лүдовикин мәшһур бир кәламы варды: «Дөвләт – мәнәм!». О, һеч инана да билмәзди ки, јүз илләр сонра кичик дөвләтләр мејдана ҝәләҹәк, бу кичик, хырда дөвләтләрин бөјүк иддиалы башчылары олаҹаг, чүнки крал ҝәрәк бүтүн мәналарда крал олсун, даһа әразисинин парлаг ҝүшәси олан Гарабағы ишғал алтында, бир нечә фаизи дә даим ҝүллә-атәш алтында олмасын. Наполеон мәғлуб оланда Лафајет она тәклиф едир ки, тез бир заманда өлкәни республика елан етсин вә бизим дилдә десәк, демократик ислаһатлар апарсын. Наполеонунҹавабычохгысаолур: «Мәнимператорам!». Бәли, Наполеонимператоридивәбуадатамлајигиди. Бәс индикиләр һагда нә демәк олар?
Индики краллар кечмишдән анҹаг ики шеј әхз едибләр: дөвләтин сәрвәтләринә саһиб олмаг вә һакимијјәти өзләринин истәдикләри варисләринә өтүрмәк. Онлар анҹаг бир дөјүшү удублар – өз милләтләри илә савашы. Бәли, бу ҹәбһәдә онлар галибдирләр. Башга ҹәбһәләр исә онлары дүшүндүрмүр...
ИЛҺАМ ӘЛИЈЕВ СИЈАСИ ЕЛИТАДАН АСЫЛЫДЫРМЫ?
Бу суала да чох вахт белә ҹаваб верирләр ки, өлкәдә олигархлар вар вә онлар сијаси гәрарлара тәсир едирләр. Дүздүр, олигархлар вар, амма онларын ролу бир аз шиширдилмирми? Буну она ҝөрә гејд едирик ки, олигархлар бош фәзада мөвҹуд олмур, олигархија шәраитиндә өзләрини бирузә верирләр вә әҝәр өлкәдә олигархлар варса, онларын башчысы да вар, әкс тәгдирдә өлкәдә башга систем мөвҹуд оларды.
Тәсадүфи дејил ки, президентин бизнес имканлары, бизнес лајиһәләри вә әмлакы һаггында ҝетдикҹә даһа чох шок хәбәрләр јајылыр – јерли вә әҹнәби мәтбуат бу һагда мүтәмади јазыр, ән башлыҹасы исә бу јазылар вә хәбәрләр тәкзиб олунмур.
Гејри–демократик өлкәләрдә мүбаризә вә чәкишмәләр бир гајда олараг «сараја» көч едир. Бу бахымдан Азәрбајҹанда да белә һалы истисна етмәк олмаз, груплар, тәбии ки, вар. Амма унутмамалыјыг ки, Азәрбајҹанда баш верән бүтүн һаллар Илһамын нәзарәти алтында баш верир. Халгын милли сәрвәтләринин соврулуб күлә дөндәрилмәсиндән тутмуш, позғунчулуғун Азәрбајҹанда баш алыб ҝетмәси, наркоманијанын јајылмасы, сәһијјәнин бәрбад вәзијјәти, менталитетин дәјишдирилмәси вә с бәлалар һамылыгла президентин нәзарәти илә һәјата кечирилир. «Президент өзү башга ҹүр истәјир, фәгәт ону белә идарә етмәјә мәҹбур едирләр» кими ҹылыз бәјанатлар исә бу өлкәдә јалныз ироник тәбәссүм доғура билир, анҹаг ироник...
Диггәт: Хәбәрдән Истифадә Етдикдә Мәнбәјә Истинад Лазымдыр!
