АБНА24 Хәбәр Верир, Азәрбајҹанын Иран Ислам Республикасындакы сәфири Әли Әлизадә Иранын “ИРИБ” хәбәр аҝентлијинә мүсаһибәсиндә билдириб ки, Азәрбајҹан президентинин сәрәнҹамлары илә ишғалдан азад олунмуш әразиләрдә Шәрги Зәнҝәзур игтисади рајону, Гарабағ игтисади рајону, Араз Вадиси Игтисади Зонасы кими бөлҝәләр јарадылыб вә Иран ширкәтләри дә һәмин әразиләрдә сәрмајә јатырмаға, бәрпа вә гуруҹулуг ишләриндә иштирак етмәјә дәвәт олунублар.
Онун сөзләринә ҝөрә, Азәрбајҹан торпагларынын ишғалдан азад едилмәси реҝионда јени реаллыглар јаратмагла јанашы Иранла әлагәләрдә дә әлавә јени имканлар ачыб.
Сәфир Әли Әлизадә гејд едиб ки, Азәрбајҹанын Иранла сәрһәд әразиләринин 132 км һиссәси ермәни ишғалындан азад едилиб вә артыг Иранла олан сәрһәдләр там олараг Азәрбајҹанын нәзарәтиндәдир. Азәрбајҹан Президенти Азәрбајҹан-Иран сәрһәддини достлуг сәрһәдди адландырыб.
Сәфир билдириб ки, ишғалдан азад едилмиш әразиләрдә саһибкарлара вә өзәл ширкәтләрә ҝөмрүк вә верҝи ҝүзәштләринин, сосиал сығорта, коммунал хидмәтләр вә диҝәр ҝүзәштләрин тәтбиги барәдә тәлиматлар верилиб: “Орада фәалијјәт ҝөстәрән ширкәтләрлә дөвләт‒өзәл сектор тәрәфдашлығынын јарадылмасы вә там дөвләт дәстәјинин верилмәси аидијјәти гурумлара тапшырылыб. Иҹра олунан лајиһәләр һәмин әразиләрин гыса мүддәт әрзиндә сүлһ вә әмәкдашлыг бөлҝәсинә чеврилмәсиндә вә реҝионун игтисади инкишафында мүһүм рол ојнајаҹагдыр. Иран ширкәтләри дә әминәм ки, бу инкишафа өз төвһәсини верәҹәк”, дејә Әли Әлизадә әлавә едиб.
342/
11 fevral 2022 - 14:53
Xəbər kodu: 1228457
Азәрбајҹан Республикасынн Теһрандакы сәфири Иран ширкәтләринин азад олунмуш әразиләрдә сәрмајә јатырмаға дәвәт олунудугларыны билдириб
