АБНА24 Хәбәр Верир, АБШ Дөвләт Департаментинин Авропа вә Аврасија Мәсәләләри үзрә Бүросунун јајдығы ачыгламада билдирилир: “Бүтүн сахланылан һәрбчиләрин гајтарылмасы үчүн ишләр ҝөрүлүр. Ејни заманда, һәр ики мүһарибәдә иткин дүшмүш вәтәндашлар һаггында ишләрин ҝөрүлмәси реҝионда сүлһү давамлы едәҹәк”, - дејә мәлуматда дејилир.
НАТО-нун Ҹәнуби Гафгаз вә Мәркәзи Асија үзрә хүсуси нүмајәндәси Һавјер Коломина да Азәрбајҹанын 8 ермәни һәрбчини азад етмәсини алгышлајыб.
НАТО рәсмиси дејиб: “НАТО һәм Ермәнистанла, һәм дә Азәрбајҹанла тәрәфдашлығыны давам етдирир вә онлар арасында мүнасибәтләрин нормаллашмасыны дәстәкләјир ки, бу да реҝионда сабитлијә вә чичәкләнмәјә көмәк едәҹәк".
Сәрҝиләнән мөвгеләрдән ајдын олур ки, Гәрб Ҹәнуби Гафгазда даһа чох ермәниләрин мөвгејини мүдафиә едир вә мина хәритәләринин дәгиг вариантынын Азәрбајҹана тәһвил верилмәсинә, еләҹә дә биринҹи Гарабағ мүһарибәси заманы иткин дүшмүш јүзләрлә Азәрбајҹан вәтәндашынын талејинин мүәјјән едилмәсинә биҝанә јанашыр. Диҝәр тәрәфдән икинҹи Гарабағ мүһарибәсинин нәтиҹәси Гәрб дөвләтләрини гане етмәјиб вә онлар вахташыры Гарабағ ермәниләринә јени статусун верилмәсиндә исрарлыдырлар. Бу исә рәсми Бакынын етиразына сәбәб олур.
Гејд едәк ки, Азәрбајҹан 7 феврал 2022-ҹи ил тарихдә 8 нәфәр ермәни әсилли һәрби гуллугчуну Ермәнистан тәрәфинә гајтарыб. Һәмин шәхсләрин бир гисми 2021-ҹи илин 16 нојабр тарихиндә Ермәнистан силаһлы гүввәләринин дөвләт сәрһәдинин Кәлбәҹәр рајону истигамәтиндә һүҹумларынын гаршысы алынаркән сахланылан һәрби гуллугчулардыр.
342/
8 fevral 2022 - 11:12
Xəbər kodu: 1227316
Азәрбајҹан Республикасынын ермәни һәрбчиләриндән бир групуну гајтармасы АБШ вә НАТО тәрәфиндән алгышланыб.
