Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Александр Лукашенко һесаб едир ки, кечмиш совет республикаларынын әксәријјәти Беларус вә Русија иттифаг дөвләтинә гошула биләр.
67 јашлы сијасәтчи бу барәдә русијалы журналист Владимир Соловјовун “ЈоуТубе”да јајымланан “Соловјов Ливе” верилишинә вердији ексклүзив мүсаһибәсиндә сөјләјиб.
А.Лукашенко әлавә едиб ки, Беларус артыг бу үмуми “тәһлүкәсизлик мәканында”дыр вә Газахыстанда “јахшы дәрс” верилиб.
О гејд едиб ки, әҝәр сәһвләрә јол вермәсә, Украјна да 15 ил әрзиндә бу “тәһлүкәсизлик мәканында” јер ала биләр.
“Ермәнистанын чыхыш јолу јохдур. Сизҹә, онлар кимәсә лазымдыр? Онлар артыг буну ҝөрдүләр. Азәрбајҹан бу дәстәдән чыхыр, чүнки, биз дә чох сәһвләр етмишик. Бу ајрыҹа сөһбәтдир. Тәбии ки, Түркијә Азәрбајҹаны чох ҹидди дәстәкләјир. Түркијә васитәсилә нефт вә газ кечир. Түркмәнистан, Өзбәкистан вә Таҹикистан да өз еһтијаҹларына ҝөрә, илк нөвбәдә, игтисади бахымдан гошулаҹаглар”, - дејә Беларус президенти билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
