Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Бакы Метрополитени”нин кечмиш рәиси Тағы Әһмәдов јахын досту, профессор Солтан Әлијев васитәсилә Сәадәт Хәлилов, Гулу Мухтаров вә Саһил Абушова үмумиликдә 2 милјон маната јахын пулу сәләмә вермәсиндән данышыб.
О, Гајнаринфо.аз-а мүсаһибәсиндә өзү һагда јајылан бу хәбәрләрә мүнасибәт билдириб.
- Тағы мүәллим, һазырда мәлум иш үзрә мәһкәмә ҝедир. Сахланылан Сәадәт Хәлилов иддиа едир ки, сиз ону ЈАП-ын Јасамал тәшкилатынын бинасында дөјмүсүнүз. Белә бир һадисә баш вериб?
- Һеч кәси дөјмәмишәм. Дөјсәм дә, дүз етмишәм. Амма дүзүнү билмәк истәјирсинизсә, дөјмәмишәм. Өзү дә мәним онунла нә ишим вар? Һеч ону танымырам вә билмирәм дә кимдир.
- Танымырдынызса, бәс неҹә олду ки, онлара 2 милјон манат пул вердиниз?
- Вахтилә бир ҹулфалы достум (инди олмасын) ҝәлди, деди ки, ики милјон манат пул лазымдыр. Бәс верәҹәм вә ајда да бу гәдәр... Мән дә 2 милјону банкдан чыхардым. Бу пулун мүгабилиндә дә ајда 30 мин манат пул алырдым. Бу да деди, јох е, һәр ај пулуну верәҹәјәм. Мән дә пулу о вахт 18 фаизлә вермишдим. Бу да мәнә о гәдәр јалварды ки, Тағы мүәллим, ики мини дә мәнә галсын вә 28 мини сән ҝөтүр. Јазығым ҝәлди вә фаиздән ҝәлән 30 миндән 2 мини она вермәјә разылашдым. Бу ҹулфалы да АМЕА Ријазијјат вә Механика Институтунун директор мүавини, профессор Солтан Әлијевдир. 2 милјону банкдан ҝөтүрүб, она вердим. Бир ај фаизи ҝәтириб верди. Икинҹи ај ҝәлиб деди ки, пулу вермирләр.
- Нијә вермирдиләр?
- Дедиләр ки, пул јохдур. Пул ҝедиб Газахыстана. Орада да батыб. Һәмин о, оғ...шы Солтанла бирликдә јаныма чағырдым. Дедим нәди, нә мәсәләди? Ҹаваб верди ки, пулу гајтармаг һеч ҹүр алынмыр. Дедим, алынмырса, гардаш, сән мәни алдада билмәрсән ахы! Пулу гајтар. Инди Солтаны мәним пулумла алдаданларын һәр үчү мәһкәмәдәди. Һәр үчүнә 8-10 ил һәбс верәҹәкләр. Нә гәдәр верирләр, гој версинләр. Бу дәгигә мән бу мәсәлә илә һеч мәшғул да олмурам.
- Сизин бу мәсәлә илә бағлы истинтага чағырылманызла бағлы мәлумат вар. Доғрудурму?
- Истинтага мәни нәјә чағырмалыдырлар? Истинтага Солтан ҝедир. Мән нијә ҝедирәм ки? Дәләдузлугда иттиһам олунан Сәадәт Хәлилов өзү бојнуна алыр ки, ики милјону бу киши бизә вериб. Биз дә бу пулу она гајтармалыјыг. Бу, илкин истинтагда данышылыб. Һәр шеј ајдындыр. Мән һеч вахт истинтага чағырылмамышам вә һеч буна еһтијаҹ да јохдур. Мән пулу профессор Солтан Әлијевә вермишәм. Сәадәт Хәлилов да пулу алмасыны тәсдигләјир. О да дејир ки, пулу Гулу Мухтаров вә Саһил Абушова вериб. Филан гәдәрини Гулуја, филан гәдәрини дә Саһилә. Мән һеч вахт истинтага ҝетмәмишәм вә бундан сонра да ҝетмәк фикрим јохдур. Мән пулуму профессор Солтан Әлијевдән тәләб едирәм. Онларла нә ишим вар ки?
- Дөјүлмә һадисәси баш верибми?
- Мәнлик бурда елә бир шеј јохдур. Мән онлара дејил, Солтан Әлијевә инаныб пулу вермишәм. Инди Солтан Әлијев пулу гајтармалыдыр мәнә, мән нә дејим. Баша дүшүрәм ки, Солтана да бунлар атыб.
- Бәс онлар бу пулу һара хәрҹләјиб?
- Бунун гардашы оғлу вар, бизнесменди, ады Елчиндир. Апарыб пулу она верибләр. Бунун арвады да ширкәтин тәсисчиси, гардашы оғлу да ишчидир. Оғлумла да бир-ики дәфә данышыблар.
- Оғлунузла данышыгда нә дејибләр?
- Оғлума дејибләр ки, сахланылан шәхсләр бағышлансын. Мәнә олан борҹун мүәјјән гәдәрини өдәсинләр. Амма оғлум дејиб, белә шеј ола билмәз. Билдириб ки, ҝәтириб пулун 1 милјонуну гајтарсынлар. 1 милјонун да мүәјјән вахта гәдәр гајтарылмасы үчүн сәнәд имзалајаг. Белә олдуғу һалда оғлум онлара ҝүзәшт олунаҹағыны билдириб.
- Сизин неҹә, бир бөјүк кими онлары бағышламаг фикриниз вармы?
- Јох. Јарысыны ҝәтириб версинләр, јарысына да мүгавилә бағласынлар. Белә олан һалда онлары бағышлајарам. Амма һазырда мәһкәмә 3 милјон 180 мин борҹ кәсиб.
- Мәһкәмәјә ҝедәҹәксинизми?
- Хејир. Јох, јох. Мән ора ҝедә билмәрәм. Буна сәһһәтим дә һеч ҹүр имкан вермир.
P.S: Бу ЈАП-чыдан сорушан јохдур ки, ај ики ајаглы варлыг! Бу милјонларла манат валјута сәнә һардандыр? Неҹә бу милјонлары газанмысан? Һансы маашла? Һансы сәрвәтинлә? Бу сәрвәтләр сәнә һардандыр? Кимдән сәнә ирс галыб бу сәрвәтләр???
Диггәт: Хәбәрдән Истифадә Етдикдә Мәнбәјә Истинад Лазымдыр!
