Түркијә парламентиндә Шуша Бәјаннамәси тәсдигләнди

АБНА24 Хәбәр Верир, ТБММ-нин сәдри Мустафа Шентопун имзасы илә Хариҹи Ишләр Комиссијасында мүзакирәјә чыхарылан Бәјаннамә һәмин комиссија тәрәфиндән јүксәк дәјәрләндирилиб вә зәрури тарихи сәнәд кими парламентин мүзакирәсинә тәгдим олунуб.

Даһа сонра Шуша Бәјаннамәсинин тәсдиги илә бағлы ТБММ-дә сәсвермә кечирилиб. Ганун лајиһәсинин леһинә 266 депутат сәс вериб, 11 парламентари исә бәјаннамәјә гаршы чыхыб.

Мәлумата әсасән, Түркијәнин һаким Әдаләт вә Инкишаф Партијасындан (АК Парти) сечилмиш депутаты, Азәрбајҹан-Түркијә Парламентләрарасы достлуг групунун рәһбәри Шамил Ајрым мәлуматы тәсдигләјиб.

Шамил Ајрым билдириб ки, һәмин милләт вәкилләри Халгларын Демократик Партијасынын (ҺДП) үзвләридир:

“Халгларын Демократик Партијасы сепаратчы партијадыр. Онлар сол партија һесаб олунур, Түркијәнин өлкә хариҹинә әсҝәр ҝөндәрмәсинә гаршыдырлар. Ејни заманда Түркијәнин бүтүн хариҹи разылашмаларына аләт олмаға чалышырлар. Шуша Бәјаннамәси парламентә дахил оларкән, онлар буну гәбул етмәмишдиләр. Лакин ҺДП-дән башга һамы сәнәдин леһинә сәс вермишди. Чүнки дөрд партијанын ортаг гәрары вар иди”.

Гејд едәк ки, ҺДП 15 октјабр 2012-ҹи илдә фәалијјәтә башлајыб. Түркијәнин сијаси аренасында радикал мөвге тутан партијанын 55 үзвү парламентдә тәмсил олунур.

Шуша Бәјаннамәси 2021-ҹи ил ијунун 15-дә ШушадаАзәрбајҹан Републикасынын президенти Илһам Әлијев вә Түркијә Републикасынын президенти Рәҹәб Тајјиб Әрдоған тәрәфиндән имзаланыб.

Сәнәддә илк олараг 1921-ҹи ил Гарс мүгавиләсинә истинад едилир вә ҝөстәрилир ки, мүттәфиглик мүнасибәтләри һаггында Шуша Бәјаннамәси бејнәлхалг һүгуга дајанан вә заманҹа 100 ил бундан өнҹә бөјүк дөвләтләрин дә иштиракы илә имзаланан тарихи Гарс мүгавиләсинә әсасланыр. Бу сәбәбдән бәјаннамәнин әлејһинә чыхыш едәнләр билдирирләр ки, Азәрбајҹан башга бир дөвләтин һимајәси алтына дүшмәклә суверен һүгугларынын бир гисмини итирмәк тәһлүкәси илә үзләшә биләр.

342/