АБНА24 Хәбәр Верир, Ермәнистан Конститусијасынын 125-ҹи маддәсинин 3-ҹү һиссәсини рәһбәр тутараг вә “парламентин регламенти” Конститусија ганунунун 139-ҹу маддәсинин 2-ҹи вә 4-5-ҹи маддәләријлә депутатларын үмуми сајынын ән азы дөрддә бири Ваһагн Хачатурјанын республика президентлијинә намизәдлијини ирәли сүрүб.
Бу барәдә парламентин рәсми сајтында дәрҹ едилмиш еланда билдирилир.
Ваһагн Хачатурјан инди јүксәк технолоҝија Сәнаје назири вәзифәсиндә чалышыр.
О јерли мәтбуата мүсаһибәсиндә билдириб ки, Ермәнистан Азәрбајҹан вә Түркијә илә сүлһ ичиндә јашамалыдыр.
"Мән һесаб едирәм ки, гоншуларла јалныз сүлһ шәраитиндә јашамаг мүмкүндүр. Ермәнистан вәтәндашлары баша дүшмәлидир ки, сүлһ һәјат вә инкишаф үчүн јеҝанә вариантдыр", - дејә президентлијә намизәд билдириб.
Гејд едәк ки, В.Хачатурјанын намизәдлији һаким "Вәтәндаш мүгавиләси" партијасы тәрәфиндән ирәли сүрүлүб.
Ермәнистанла Түркијә арасында нормаллашма просесинә ҝәлдикдә, В.Хачатурјан бу просесә дә мүсбәт јанашдығыны вә онун давам етдирилмәсинин зәрурилијини вурғулајыб.
2022 јанварын 23-дә Армен Саркисјан Республика Президенти вәзифәсиндән истефа вериб
Президентин сәлаһијјәтләрини мүвәггәти олараг парламент сәдри Ален Симонјан һәјата кечирир.
342/
3 fevral 2022 - 19:46
Xəbər kodu: 1225710
Ермәнистанда игтидарын президентлијә гәти намизәдинин ады бәлли олуб. Сијасәтчи Азәрбајҹан вә Түркијә илә әлагәләрин нормаллашдырылмасыны тәрәфдарлыг едир.
