АБНА24 Хәбәр Верир, “Јени Мүсават” гәзети хәбәр верир ки, һаким Јени Азәрбајҹан Партијасынын Азәрбајҹан Республикасы Милли Мәҹлисиндәки тәмсилчиси Елман Нәсиров Русијанын мәшһур сәнәдли кинорежиссору Аркади Мамонтовун һазырладығы телесәнәдли филмдә АБШ-ын Ермәнистан, Азәрбајҹан, Газахыстан, Өзбәкистан вә Ҝүрҹүстанда мәхфи микробиоложи лабораторијалар јаратмасы барәдә билдириб ки, Америка лабораторијаларынын Ермәнистанда олмасы реалдыр вә мәхфи дејил, Ермәнистан һөкумәти дә буну тәкзиб етмир, анҹаг, Азәрбајҹанда белә лабораторијаларын олмасы бөһтандыр вә бу иддианы адәтән Русијадакы ермәни лоббиси ирәли сүрүр!
Сијаси експерт Габил Һүсејнли исә дејиб ки, заман-заман белә иттиһамлар сәсләниб, амма сүбутлар ачыгланмајыб.
Онун сөзләринә ҝөрә, Азәрбајҹан һеч бир дүнја дөвләтинин мүстәмләкәси дејил вә ҝеосијаси мүһарибәдә аләтә чеврилмәк сијасәти апармыр. Бу сәбәбдән дә Азәрбајҹан Республикасында һеч бир өлкәнин ҝизли һәрби базасы вә лабораторијасы јохдур вә һеч бир һәрби иттифагын да үзвү дејил. Азәрбајҹан бу сијасәтлә өзүнү суперҝүҹләрин ашкар тәһдидләриндән горујаҹаг.
Мәшһур русијалы кинорежиссорун чәкдији сәнәдли филмдә Ермәнистанын Ҝүмрү вә Севан шәһәрләриндәки американ лабораторијаларынын ҝөрүнтүләри нүмајиш етдирилир, бөлҝәдәки касыб инсанларын тәсвирләри дә әлавә олунур. Амма онларын ағлына белә ҝәлмир ки, лабораторија довшаны кими истифадә едилирләр.
Индијәдәк Азәрбајҹан һөкумәти бу өлкәдә АБШ-ын мәхфи лабораторијаларынын олмасыны рәсмән тәкзиб етмәјиб.
342/
2 fevral 2022 - 19:40
Xəbər kodu: 1225331
Азәрбајҹан парламентинин үзвү Республикада АБШ-ын мәхфи лабораторијаларынын олмасыны тәкзиб едиб.
