Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, инҝилтәрәли һәким Тим Бонд билдириб ки, организмдәки “ҝизли” јағлары бир финҹан јашыл чајла “јандырмаг” олар.
“Бәзи тәдгигатлар ҝөстәрир ки, јашыл чај ичмәк бәдәндә пијләрин јығылмасыны азалда биләр. Бу ички, һәмчинин бәдәнин үмуми чәкиси вә һәҹминин азалмасына да көмәк едир”, - дејә о, гејд едиб.
Мүтәхәссис изаһ едиб ки, јашыл чајын тәркибиндәки маддәләр термоҝенезә (јағларын јандырылмасы), јағ вә зүлалларын оксидләшмәсинә тәсир едир. Еләҹә дә, аҹлыг һиссини зәифләдир вә гараҹијәр метаболизми просесиндә ферментләрин сәвијјәсини таразлашдырыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
