АБНА24 Хәбәр Верир,Патрушев гејд едиб: "Биз мүһарибә истәмирик. Вә бизә һеч дә лазым дејил. Вә буну тәтбиг едәнләр, хүсусән дә Гәрбдән оланлар, өз егоист ујдурмаларынын ардынҹа ҝедирләр", - дејә Патрушев журналистләрә билдириб.
Хатырладаг ки, Украјна әтрафында вәзијјәтин ҝәрҝинләшмәси илә бағлы Русијаја аид едилән планлар рәсми Москва тәрәфиндән гәти шәкилдә рәдд едилир. Москва һеч кими тәһдид етмәдијни вә бүтүн бу кими бәјанатларын Русија сәрһәдләри јахынлығында даһа чох НАТО һәрби техникасынын јерләшдирилмәси үчүн бәһанә кими истифадә олундуғуну вурғулајыр.
Русијанын хариҹи ишләр назири Серҝеј Лавровун бир гәдәр әввәл дејиб ки, Русија Украјна әтрафында мүнагишәли вәзијјәт үчүн һеч бир бәһанә јаратмыр. Онун сөзләринә ҝөрә, Русија истисна етмир ки, Украјна әтрафында Гәрб тәрәфиндән гызышдырылан истерија Кијевин Донбасла бағлы Минск разылашмаларыны саботаж етмәк хәттинин өрт-басдыр едилмәси мәгсәдини дашыјыр.
Русија Федерасијасы президентинин мәтбуат катиби Дмитри Песковун сөзләринә ҝөрә исә, АБШ вә НАТО-нун Украјна илә бағлы информасија истеријасы јалан вә сахтакарлыгла долудур.
Бунунла белә Русија президенти Владимир Путин һөкумәтә Украјнадан мүстәгиллијини биртәрәфли гајдада елан етмиш Луганск вә Донетск “халг республикалары”нда јашајан Русија вәтәндашларына сосиал јардым проседуруну асанлашдырмағы тапшырыб.
Луганск вә Донетск “халг республикалары”нда јашајан Русија вәтәндашлары Русијада јашајыш сәнәдләрини тәгдим етмәдән “Дөвләт Хидмәтләри” порталы васитәсилә сосиал мүавинәт алмаг үчүн мүраҹиәт етмәк һүгугуна малик ола биләрләр.
Билдирилиб ки, һөкумәтә сосиал мүавинәтләрин верилмәси гајдасынын дәјишдирилмәси илә бағлы тәклифләр вермәк дә тапшырылыб.
342/
30 yanvar 2022 - 13:30
Xəbər kodu: 1224228
Русија Федерасијасы Тәһлүкәсизлик Шурасынын катиби Николај Патрушев дејиб ки, онун өлкәси мүһарибә истәмир, Гәрбдә ону сырымаға чалышанлар исә өз гәрәзли мәгсәдләрини һәјата кечирирләр.
