АБНА24 Хәбәр Верир, Сејид Ибраһим Рәиси бу телефон сөһбәтиндә Теһран-Анкара һәмкарлыглары вә әлагәләринин икитәрәфли вә реҝионал истигамәтләрдәки инкишаф перспективләринә тохунуб. Билдириб ки, Иран Түркијә илә стратежи әмәкдашлыглар үзрә програмлашдырманы алгышлајыр.
Иран Ислам Республикасынын президенти һәмчинин реҝионун мүхтәлиф һиссәләриндә дајаныглы сабитлик вә тәһлүкәсизлик үзрә јеҝанә јол кими өлкәләрин әрази бүтөвлүкләри вә суверенликләринә һөрмәт ваҹиблијинә тәкид едиб.
Рәҹәб Тајјыб Әрдоған да дејибдир ки, Түркијә Иран Ислам Республикасы илә әлагәләрин ҝүҹләндирилмәси вә мөһкәмләндирилмәси үчүн мүхтәлиф игтисади әмәкдашлыглар сијаһысыны һазырлајыб.
Түркијә мәтбуаты исә бу телефон данышығы барәдә јајдығы мәлуматда билдирир ки, данышыглар заманы Түркијә президенти Рәҹәб Тајјиб Әрдоған Анкаранын 3+3 платформасы чәрчивәсиндә нөвбәти реҝионал топлантысыны Түркијәдә кечирмәк планларыны ачыглајыб.
Түркијә президенти тезликлә Теһрана сәфәр етмәјә олан тәмајүлүнү дә ифадә едиб.
342/
23 yanvar 2022 - 13:52
Xəbər kodu: 1221701
Иран президенти дүнән ҝеҹә Түркијә президенти илә телефон әлагәсиндә дејиб ки, Иран Ислам Республикасы Түркијә илә әлагә вә әмәкдашлыға узаг перспективли вә һәртәрәфли бахышла нәзәр салыр.
