Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Инҝилтәрә Мүһафизәкарлар Партијасынын үзвү, авиасија вә дәниз нәглијјаты үзрә дөвләт назири олмуш Нусрат Мунир Ул-Гани јерли мәтбуата 2020-ҹи илин февралында вәзифәсиндән азад едилмәсинин тәфәррүатлары барәдә данышыб.
“Анадолу” хәбәр аҝентлијинин мәлуматына ҝөрә, о, һаггында гәбул едилән гәрарын дини инанҹы илә бағлы олдуғуну билдириб.
“Кабинет дәјишиклијиндән сонра партија груп рәһбәрләри илә ҝөрүшдә сорушдум ки, мәни ишдән чыхармаг гәрарынын архасында нә дајаныб. Мәнә дедиләр ки, Назирләр Кабинетиндәки топлантыда мүсәлман гадын статусум ҝүндәмә ҝәтирилиб вә мүсәлман гадын назир кими мөвгејим һәмкарларымы нараһат едиб. Онлар мәним Исламофобија иддиаларына гаршы партијаны лазыми сәвијјәдә мүдафиә етмәдијими дилә ҝәтирәрәк, садиг олмадығымла бағлы нараһатлыг кечирибләр”, -дејә сабиг назир бәјан едиб.
Буну биләндән сонра “өзүнү алчалдылмыш вә ҝүҹсүз һисс етдијини” ифадә едән Гани, мәсәләни ҝүндәмә ҝәтирмәјә давам едәрсә, “һәмкарлары тәрәфиндән тәҹрид олунаҹағы вә карјерасынын, нүфузунун мәһв едиләҹәји” хәбәрдарлығындан сонра сусдуғуну иддиа едиб.
Онун сөзләринә ҝөрә, баш верәнләр партијаја гаршы инамыны сарсыдыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
