Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија президентинин рәсми сајты кремлин.ру Иран Ислам Республикасынын президенти Ајәтуллаһ Сејјид рәиси илә Русија Федерасијасынын президенти Владимир Путин ҹәнаблары арасында Москвада баш тутан ҝөрүшүн ҝөрүнтүләрини вә президент В. Путин ҹәнабларынын ҹәнаб Ајәтуллаһ Рәиси илә апардығы данышыгларынын бир һиссәсини пајлашыб.
Владимир Путин: Ҹәнаб Президент, илк нөвбәдә Kовид-19-ун бу чәтин анларында вахт ајырыб Москваја ҝәлдијиниз үчүн сизә тәшәккүр етмәк истәрдим.
Сизин инаугурасијаныздан дәрһал сонра биз даими әлагә сахлајырыг, лакин тәбии ки, нә видеоконфранслар, нә дә телефон данышыглары шәхси үнсијјәти әвәз едә билмәз.
Гејд етмәк истәрдим ки, пандемијаја бахмајараг, ики ил өнҹә биз тиҹарәтдә - чох бөјүк олмаса да, лакин артымлы олан – алты фаиздән чох, кечән ил исә 38 фаиздән чох тиҹарәтдә артым әлдә етмишик. Биз бөјүк лајиһәләримизи һәјата кечиририк, бир чох саһәләрдә ишләјирик.
Бејнәлхалг аренада биз чох сых әмәкдашлыг едирик. Мән һәлә, сәјләримиз сајәсиндә биз бөјүк өлчүдә Сурија һөкумәтинә бејнәлхалг терроризмлә бағлы тәһдидләрин өһдәсиндән ҝәлмәјә көмәк едә билдијимизи демирәм. Инди, тәбии ки, һәм сизи, һәм дә бизләри Әфганыстанда јаранан вәзијјәт нараһат едир. Мән сизинлә бүтүн бу мәсәләләри мүзакирә етмәк, бу проблемләрә мүнасибәтинизи билмәк истәрдим.
Мүвәггәти олараг, мүвәггәти разылашма әсасында Иран вә Аврасија Игтисади Бирлији арасында әлагәләр инкишаф едир вә биз Иранла ассосиасијамыз арасында узунмүддәтли база, азад тиҹарәт зонасы јаратмаг үчүн фәал ишләјирик.
Иран Шанхај Әмәкдашлыг Тәшкилатында да мүшаһидәчи кими фәал ишләјир.
Вә әлбәттә ки, JCPOA- Бәрҹам (Иранын Нүвә Програмы үзрә Бирҝә Һәртәрәфли Фәалијјәт Планы) илә бағлы мөвгејинизи билмәк мәним үчүн чох ваҹибдир.
Беләликлә, бизим чох бөјүк ҝүндәмимиз вар.
Сизи ҝөрмәјә чох шадам.
Вә ҝөрүшүмүзүн лап әввәлиндә Теһрана гајытдыгдан сонра сиздән хаһиш етмәк истәрдим ки, мәним ән хош арзуларымы мәнәви лидер ҹәнаб Хаменеијә чатдырасыныз.
Диггәт: Хәбәрдән Истифадә Етдикдә Мәнбәјә Истинад Лазымдыр!
