Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасы вә Русија президентләри Сејјид Ибраһим Рәиси вә Владимир Путин Москвада данышыглара башлајыблар. Онларын бирҝә игтисади лајиһәләри, ЖҸПОА-нын иҹрасы вә бејнәлхалг мәсәләләри мүзакирә едәҹәји планлашдырылыр.
“РИА Новости” хәбәр верир ки, ҝөрүш заманы Путин гејд едиб ки, пандемијаја бахмајараг, Русија илә Иран арасында тиҹарәт кечән ил 38% артыб. Русија президенти Рәиси дә Әфганыстандакы вәзијјәти мүзакирә етмәјә вә бу мәсәләдә Теһранын мөвгејини билдирмәјә дәвәт едиб.
Бундан әввәл хариҹи ишләр назири Серҝеј Лавров билдириб ки, Иран Ислам Республикасы президентинин Русијаја сәфәри чох ваҹиб олаҹаг, тәрәфләр Иран рәһбәрлијиндә дәјишикликләри нәзәрә алараг мүнасибәтләрин “инвентарыны” апармалы олаҹаглар. Лавровун сөзләринә ҝөрә, тәрәфләр игтисади ҝүндәми, бејнәлхалг сијасәт, БМТ вә диҝәр бејнәлхалг тәшкилатларда иши мүзакирә едәҹәкләр.
Гејд едәк ки, сәфәр чәрчивәсиндә Рәисинин јанварын 20-дә Дөвләт Думасынын пленар иҹласында чыхыш едәҹәји, Москва Катедрал Мәсҹидини зијарәт едәҹәји вә мүсәлман руһаниләри илә ҝөрүшәҹәји планлашдырылыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
