АБНА24 Хәбәр Верир, Түркијә президенти Рәҹәб Тајјиб Әрдоған ҹүмә ахшамы ҝүнү Авропа Иттифагынын үнванына сәрт тәнгидләр сәсләндириб.
Анадолу хәбәр аҝентлијинин мәлуматына ҝөрә, Әрдоған дејиб: "Авропа Иттифагы гысаҝөрәнлији бир кәнара атмалы, Түркијә илә әлагәләри јахшылашдырмаг үчүн даһа ҹәсарәтли һәрәкәт етмәлидир".
Түркијә президенти Авропа Иттифагына үзв өлкәләрин сәфирләри илә иллик ҝөрүшүндә әлавә едиб: "Түркијә илә АИ арасында әлагәләр блок дахилиндә һәмрәјлик бәһанәси архасында ҝизләнәрәк, "саботаж" едилир.
О, Авропа Иттифагы өлкәләрини бу ҹүр јанашманын әксинә һәрәкәт етмәјә чағырыб вә дејиб ки, бәзи үзв дөвләтләр бирлијин дәһлизләриндә Түркијә илә проблемләрини һәлл етмәк јанашмаларындан әл чәкмәлидирләр.
"Түркијә АИ илә диалог вә дипломатик мүнасибәтләрин гурулмасы истигамәтиндә чалышыб. Јүксәк сәвијјәли сәфәрләр вә данышыглардан әлавә, биз иглим дәјишиклији, тәһлүкәсизлик, миграсија вә сәһијјә илә бағлы јүксәк сәвијјәли диалогларда да иштирак етдик, лакин бунун әвәзиндә авропалылар Түркијә гаршысында "дајандырма тактикасы"ндан истифадә етдиләр", - дејә Әрдоған билдириб.
Түркијә президенти өлкәсинин Авропа Иттифагы илә тәҹһизат зәнҹирләри, терроризм, миграсија, тәһлүкәсизлик, мүдафиә, ксенофобија, Ислама дүшмәнчилик, сәһијјә вә енержи саһәләриндә данышыглары давам етдирәҹәјини сөјләјиб.
342/
16 yanvar 2022 - 13:28
Xəbər kodu: 1219446
Түркијә президенти дејиб: "Авропа Иттифагы јени милад илиндә дар дүшүнҹәдән әл чәкмәлидир вә блок дахилиндә һәмрәјлик бәһанәси илә Түркијә илә мүнасибәтләри позмамалыдыр".
