АБНА24 Хәбәр Верир, хүсуси нүмајәндәләр мүсбәт вә конструктив атмосфердә кечирилмиш бу илк ҝөрүшдә Түркијә вә Ермәнистан арасында диалог јолу илә апарылаҹаг нормаллашма просесинә јөнәлик олараг илкин фикир мүбадиләси апарыблар.
Тәрәфләр мүзакирәләри там нормаллашма һәдәфи илә илкин шәрт олмадан давам етдирмәк хүсусунда разылашыблар.
Хүсуси нүмајәндәләр арасында икинҹи ҝөрүшүн јери вә тарихи дипломатик каналларла сонрадан мүәјјәнләшәҹәк.
Ермәнистан Хариҹи Ишләр Назирлији исә бир бәјанат јајараг билдириб ки, Түркијә вә Ермәнистан Москва данышыгларында мүнасибәтләрин там нормаллашдырылмасы мәгсәдилә илкин шәртләр олмадан әлагәләри давам етдирмәк барәдә разылыға ҝәлибләр.
Түркијә вә Ермәнистан нүмајәндәләринин илк иҹласы Москвада Русија ХИН-ин гәбуллар евиндә кечирилиб.
Москва ҝөрүшү барәдә мәлумат јајылан кими АИ-нин Ҹәнуби Гафгаз вә Ҝүрҹүстан бөһраны үзрә Хүсуси Нүмајәндәси Тоиво Клаар "Тwиттер"дә билдириб ки, Авропа Иттифагы (АИ) Түркијә вә Ермәнистан хүсуси нүмајәндәләринин ҝөрүшүнү алгышлајыр.
"Ермәнистан вә Түркијә нүмајәндәләринин Москвада ҝөрүшү илә бағлы хәбәри алгышлајырыг. Мүнасибәтләрин нормаллашдырылмасы вә коммуникасијаларын ачылмасы Авропа Иттифагынын там дәстәкләдији ваҹиб мәгсәддир”, - АИ-нин Хүсуси Нүмајәндәси гејд едиб.
Русијанын хариҹи ишләр назири Серҝеј Лавров исә бу ҝүн өтән илин јекунларына даир иллик мәтбуат конфрансында билдириб ки, өлкәси Түркијә-Ермәнистан мүнасибәтләринин нормаллашмасы сәјләрини дәстәкләјир вә бу сәјләрдә актив иштирак едир: “Бу, Ҹәнуби Гафгаздакы вәзијјәтин нормаллашмасына көмәк едир вә мөвҹуд сијаси проблемләрин даһа актив һәлл олунмасына көмәк едир”, - Русија ХИН башчысы вурғулајыб.
Бејнәлхалг Мүнасибәтләрин Тәһлили Мәркәзинин Идарә Һејәтинин сәдри Фәрид Шәфијев исә бу ҝүн медиа үчүн ачыг мүзакирәләр заманы Түркијә-Ермәнистан мүнасибәтләринин нормаллашмасына белә мүнасибәт билдириб: “Түркијә вә Ермәнистан мүнасибәтләри илә паралел Азәрбајҹан вә Ермәнистан арасында мүнасибәтләр нормаллашарса, бу, бизим үчүн фајдалы олар”.
Анҹаг Фәрид Шәфијевә ҝөрә Бу ил Азәрбајҹан Ермәнистанла һәртәрәфли сүлһ сәнәдинин имзаланмасына наил ола билмәјәҹәк.
342/
15 yanvar 2022 - 15:05
Xəbər kodu: 1219165
Түркијә Хариҹи Ишләр Назирлији ( ХИН) Түркијә илә Ермәнистан Нормаллашма Просеси Хүсуси Нүмајәндәләри сәфир Сәрдар Кылыч вә Ермәнистан парламенти сәдринин мүавини Рубен Рубинјанын Москвада баш тутмуш илк ҝөрүшү барәдә мәлумат јајыб.
